ସୋନପୁର : ସୁବର୍ଣ୍ଣପୁର ଜ଼ିଲ୍ଲା ପୋଲିସ ପକ୍ଷରୁ ଆସନ୍ତାକାଲି ହେବାକୁ ଥିବା ସ୍ୱେଚ୍ଛାକୃତ ମେଗା ରକ୍ତ ଦାନ ଶିବିର ପାଇଁ ଆଜି ସୋନପୁର ମୋଡେଲ ଡିଗ୍ରୀ କଲେଜରେ ଏକ ସଚେତନତା ସଭା ଅନୁଷ୍ଠିତ ହୋଇ ଯାଇଛି । ଏଥିରେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ମୁଖ୍ୟ ଅତିଥି ରୂପେ ଯୋଗ ଦେଇ ଛାତ୍ର ଛାତ୍ରୀଙ୍କୁ ରକ୍ତ ଦାନ ଓ ସମାଜରେ ଥିବା ଯୁବ ପିଢୀଙ୍କ ଦାୟିତ୍ୱ କର୍ତ୍ତବ୍ୟ ଉପରେ ସମାଜ ସୁଧାର ବାର୍ତ୍ତା ପ୍ରଦାନ କରିଥିଲେ । କଲେଜ ଇନ ଚାର୍ଜ ଅଧ୍ୟକ୍ଷ ମହେନ୍ଦ୍ର ଭୋଇ, ଅଧ୍ୟାପକ, ଅଧ୍ୟାପିକା, ଜ଼ିଲ୍ଲା ପୋଲିସ ଆରଆଇ ସରୋଜ ବେହେରା, ରକ୍ତ ଦାତା ସଂଘ ଉଦ୍ୟେକ୍ତା ମନୋଜ ପଣ୍ଡା, ଉପଦେଷ୍ଟା ମନୋରଞ୍ଜନ ତ୍ରିପାଠୀ ଯୋଗ ଦେଇ ବିଭିନ୍ନ ପରାମର୍ଶ କରି ଛାତ୍ର ଛାତ୍ରୀ ଙ୍କୁ ଉତ୍ସାହିତ କରିଥିଲେ । ଆସନ୍ତା କାଲି କ୍ରାନ୍ତି ଦିବସରେ ହେବାକୁ ଥିବା ସ୍ୱେଚ୍ଛାକୃତ ରକ୍ତ ଦାନ ଶିବିରରେ ଅଧିକରୁ ଅଧିକ ଛାତ୍ରଛାତ୍ରୀ କିଭଳି ସାମିଲ କରାଯିବ, ଶୃଙ୍ଖଳା ରକ୍ଷା ଓ ସଫଳ କରାଯାଇ ପାରିବ ସେ ନେଇ ଆଲୋଚନା ହୋଇଥିଲା ।