ଫୁଲବାଣୀ : ଫୁଲବାଣୀ ପୌରପରିଷଦର କାର୍ଯ୍ୟ ନିର୍ବାହୀ ଅଧିକାରୀ ବଳଦେବ ବେହେରାଙ୍କୁ ରାଜ୍ୟ ସରକାର ଓଏଏସ ପାହ୍ୟାକୁ ପଦନ୍ନୋତି ଦେଇଛନ୍ତି । ପୌର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ବେହେରାଙ୍କ କାର୍ଯ୍ୟଦକ୍ଷତା, ସଚ୍ଚୋଟତା, ଅଭିଜ୍ଞତାକୁ ଭିତ୍ତି କରି ସରକାର ଏହି ପଦୋନ୍ନତି ଦେଇଥିବା ଜଣାପଡ଼ିଛି । ପଦୋନ୍ନତ୍ତି ପାଇଥିବାରୁ କାର୍ଯ୍ୟ ନିର୍ବାହୀ ଅଧିକାରୀ ବେହେରା ଖୁସି ବ୍ୟକ୍ତ କରିଛନ୍ତି ଆଉ ଆଗକୁ ଲୋକଙ୍କ ପାଇଁ କାର୍ଯ୍ୟ କରିବା ପାଇଁ ମନୋବଳ ଓ ଅହେତୁକ ଆଗ୍ରହ ବଢିବ ବୋଲି କହିଛନ୍ତି । ଏଥି ପୂର୍ବରୁ ସେ ନିଜର ଦକ୍ଷତା ବଳରେ ଓଆରଏସ ପାଇଥିଲେ । ଫୁଲବାଣୀ କାର୍ଯ୍ୟ ନିର୍ବାହୀ ଅଧିକାରୀ ଭାବେ ସେ ସହରର ବିଦ୍ୟୁତ ଆଲୋକ, ଗମନାଗମନ, ପାନୀୟ ଜଳ ସୁବିଧା କରି ସହରବାସୀଙ୍କ ହୃଦୟ ଜିଣିପାରିଥିଲେ ।
ସେହିପରି ଡ୍ରେନ ସମସ୍ୟାରେ ସୁଧାର ଆଣିବା ଦିଗରେ ପ୍ରୟାସ କରି ଥିଲେ । ସହରରେ ପରିମଳ ବ୍ୟବସ୍ଥାରେ ସୁଧାର ଆଣିବା ସହ ଅବସର ବିନୋଦନ ପାଇଁ ଦୁଇଦୁଇଟି ପାର୍କ ନିର୍ମାଣ, ଜିମ ନିର୍ମାଣ କରି ସହରବାସୀଙ୍କୁ ସୁସ୍ଥ ଓ ନିରୋଗ ରଖିବା ପାଇଁ ତାଙ୍କର ଉଦ୍ୟମ ପ୍ରଶଂସନୀୟ । ଓଏଏସ ପାଇବା ଖବର ମିଳିବା ପରେ ବିଭାଗୀୟ କର୍ମଚାରୀ, ବୁଦ୍ଧିଜୀବୀ, ଲୋକ ପ୍ରତିନିଧି, ବନ୍ଧୁମାନେ ତାଙ୍କୁ ଭେଟି ପୁଷ୍ପ ଗୁଚ୍ଛ ଦେଇ ଅଭିନନ୍ଦନ ଜଣାଇଥିଲେ ।