କଣ୍ଟାବାଞ୍ଜି : ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ପୌର ନିର୍ବାଚନ ଯେତେ ପାଖେଇ ଆସୁଛି ପ୍ରଚାର ପ୍ରସାର ସେତିକି ଜୋର ଧରିଛି । ନିର୍ବାଚନରେ ୩ ପ୍ରମୁଖ ଦଳ ପ୍ରାର୍ଥୀଙ୍କ ମଧ୍ୟରେ କଡା ଟକ୍କର ରହିଥିବାରୁ ପ୍ରଚାର କାର୍ଯ୍ୟକ୍ରମରେ ବିଜେପି ଆଗୁଆ ରହିଥିବାରୁ ଲକ୍ଷ୍ୟ କରାଯାଉଛି । ସହରର ୧୬ ଟି ୱାର୍ଡରେ ବିଜେପି ତାର ପ୍ରଚାର ଅଭିଯାନ ଜାରି ରଖିଛି । ଆଜି ଏହି ପ୍ରଚାର ଅଭିଯାନରେ ଯୋଗ ଦେଇଛନ୍ତି ସାଂସଦ ସଂଗୀତ ସିଂଦେଓ, ସହରର ମୁଖ୍ୟ ଦ୍ୱାରରୁ ଆରମ୍ଭ ହୋଇଥିବା ରାଲିରେ ଦଳୀୟ ସମର୍ଥକ ଦ୍ୱାରା ବିଜେପି ଜିନ୍ଦାବାଦ, ନରେନ୍ଦ୍ର ମୋଦି ଜିନ୍ଦାବାଦ ନାରାରେ ସହରର ଗାଳି ରାସ୍ତା ଗଂଜୁରିତ ହୋଇଥିଲା । ୱାର୍ଡ ନଂ ୬ ରେ ଆୟୋଜିତ ସଭାରେ ସାଂସଦ ସଂଗୀତା ସିଂଦେଓ ଜନସାଧାରଣକୁ ବିଜେପି ସମର୍ଥନରେ ଅଧ୍ୟକ୍ଷ ପ୍ରାର୍ଥୀ ବେଦବ୍ୟାସ ନାଗ ପାଇଁ ଅନୁରୋଧ କରିବା ସଂଗେ ମେମ୍ବର ପ୍ରାର୍ଥୀ ସପକ୍ଷରେ ଭୋଟ ପାଇଁ ଅନୁରୋଧ କରିଥିଲେ । ପାଣି, ରାସ୍ତା ଘାଟ ଭଳି ଅନେକ ସମସ୍ୟା ଉପରେ ଚର୍ଚ୍ଚା କରିବା ପରେ ଅତିଶୀଘ୍ର ସହରକୁ ସମସ୍ୟା ମୁକ୍ତ କରିବା କଥା କହିଛନ୍ତି, ଜିଲ୍ଲା ସଭାପତି ଶିବାଜି ମହାନ୍ତି, ସାଧରଣ ସମ୍ପାଦକ ଲକ୍ଷ୍ମଣ ବାଗ, ସାଂସଦ ପ୍ରତିନିଧି ରାଜେଶ ଅଗ୍ରୱାଲ, କାଳିଆ ସୁନା, ପ୍ରଦୀପ ବାଗ,ମେମ୍ବର ପ୍ରାର୍ଥୀ ଅଜୟ ଶର୍ମା,ନୀଳକଣ୍ଠ ଶତପତି, ବିବେକ ଶର୍ମା ସହ ଅନେକ ଦଳ ସମର୍ଥକ ସାମିଲ ଥିଲେ ।