ପାଟଣାଗଡ : ପାଟଣାଗଡ଼ ରେଞ୍ଜ ଲରମ୍ଭା ଅନ୍ତର୍ଗତ ଦମକିପାଲି ଓ ଡଙ୍ଗବାହଲ ରାସ୍ତାରେ ଗତକାଲି ରାତ୍ରୀ ସମୟରେ ଲରମ୍ଭା ସେକସନ ଫରେଷ୍ଟର ପ୍ରିୟବ୍ରତ ନାୟକ ଓ ତାଙ୍କ ଷ୍ଟାପ ପେଟ୍ରୋଲିଂ କରୁଥିବା ସମୟରେ ବନ ବିଭାଗ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଏକ ମିନି ପିକଅପ ଭ୍ୟାନକୁ ଅଟକାଇ ଯାଞ୍ଚ କରିଥିଲା । ଯାଞ୍ଚ କରିବା ସମୟରେ ପିକଅପ ଭ୍ୟାନ ଭିତରେ ଶାଳ ଗଛର ଦ୍ୱାରବନ୍ଧ ଓ ଝରକା ତିଆରି ଗଛ ଥିବାର ବନବିଭାଗ ଦେଖିବାକୁ ପାଇଥିଲା । ଘଟଣା ସ୍ଥଳରୁ ପିକଅପ ଭ୍ୟାନ ସହ ଦୁଇ କାଠ ମାଫିଆଙ୍କୁ ଗିରଫ କରି ଲରମ୍ଭା ବନବିଭାଗ କାର୍ଯ୍ୟାଳୟକୁ ଅଣାଯାଇଥିଲା ।ଆଜି ସକାଳୁ ଗିରଫ କାଠ ମାଫିଆ ବରଗଡ଼ ଜିଲ୍ଲା ବରପାଲି ଥାନା ବିଶିପାଲି ଗାଁର ରାଘବ ନାଏକ ଓ ସୋନପୁର ଜିଲ୍ଲା ବିନକା ଥାନା ଝସପୁର ଗାଁର ସୁରେଶ ହାଇଲଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା । କୋର୍ଟରେ ଜାମିନ ନାମଞ୍ଜୁର ହେବାରୁ ଉଭୟକୁ ବିଚାର ବିଭାଗୀୟ ହାଜତ ପଠାଇଦିଆଯାଇଥିବା ଲରମ୍ଭା ସେକସନ ଫରେଷ୍ଟର ଶ୍ରୀ ନାଏକ ସୂଚନା ଦେଇଛନ୍ତି ।