ଫୁଲବାଣୀ : କନ୍ଧମାଳ ଜିଲ୍ଲା ଟିକାବାଲି, ଏଏମସିଏସ ମହାବିଦ୍ୟାଳୟରେ ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ୱରେ ଆତ୍ମସୁରକ୍ଷା କୌଶଳ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥିଭାବେ ଟିକାବାଲି ପଂଚାୟତ ସମିତି ଅଧ୍ୟକ୍ଷ ଦିଲ୍ଲୀପ କୁମାର କହଁର ମୁଖ୍ୟ ବକ୍ତା ଭାବେ ଶଙ୍କରାଖୋଲ କଲେଜ ଅଧ୍ୟକ୍ଷ ଡ଼. ସନ୍ତୋଷ କୁମାର ପ୍ରଧାନ, ସମ୍ମାନିତ ଅତିଥି ଭାବେ ଶଙ୍କରାଖୋଲ ସରପଞ୍ଚ ଶ୍ରୀମତୀ ଜାନକୀ ପ୍ରଧାନ, ପୂର୍ବତନ ଷ୍ଟେଟ ବ୍ୟଙ୍କ ମ୍ୟାନେଜର ଅନିରୁଦ୍ଧ ପ୍ରଧାନ, ଅଧ୍ୟାପକ ବିଷ୍ଣୁପ୍ରସାଦ ରଥ, ବନମାଳି ବେହେରା, ବିରୂପାକ୍ଷ ତ୍ରିପାଠୀ ଯୋଗଦେଇ ଆତ୍ମସୁରକ୍ଷା କୌଶଳର ଉପକାରିତା ଉପରେ ଆଲୋଚନା କରିଥିଲେ । ଯୁକ୍ତଦୁଇ ପ୍ରଥମ ବର୍ଷ ଛାତ୍ରୀମାନଙ୍କୁ ପ୍ରଶିକ୍ଷଣ ଦିଆଯିବ ମାଷ୍ଟର ଟ୍ରେନର ଛାତ୍ରୀ ଅଞ୍ଜଳି କହଁର ଓ ଜ୍ୟୋତିର୍ମୟୀ ପ୍ରଧାନ ପ୍ରଶିକ୍ଷଣ ଦେବେ, ସଂଯୋଜକ ଅଧ୍ୟାପକ ନରେନ୍ଦ୍ର ଦିଗାଲ ପରିଚାଳନା କରିବେ । ଅଧ୍ୟାପକ ସୁରଜ ସାସମଲ ଧନ୍ୟବାଦ ଅର୍ପଣ କରିଥିଲେ ।