ପାରଳାଖେମୁଣ୍ଡି : ଆଜି ପାରଳାଖେମୁଣ୍ଡି ବନଖଣ୍ଡ ମୁଖ୍ୟ କାର୍ଯ୍ୟାଳୟ ଠାରେ ବନ ବିଭାଗ ତରଫରୁ ବନ ବିଭାଗ ମୁଖ୍ୟ କାର୍ଯ୍ୟାଳୟ ପରିସର ଏବଂ ନିକଟସ୍ଥ ଏରିଆ ମଧ୍ୟରେ ସଫେଇ କାର୍ଯ୍ୟକ୍ରମ କରାଯାଇଥିଲା । ଏହି କାର୍ଯ୍ୟକ୍ରମ ପାରଳାଖେମୁଣ୍ଡି ବନଖଣ୍ଡ ଅଧିକାରୀ ଶ୍ରୀ ଏସ .ଆନନ୍ଦଙ୍କ ନିର୍ଦ୍ଦେଶ କ୍ରମେ ବନଖଣ୍ଡର ସହକାରୀ ବନ ସଂରକ୍ଷକ ଅରୁଣ କୁମାର ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ସ୍ୱଚ୍ଛତା ହିଁ ସେବା ଅଭିଯାନରେ ସଫେଇ କାର୍ଯ୍ୟ କରିଥିଲେ । ଏହି କାର୍ଯ୍ୟକ୍ରମ ଦେବଗିରି ବନାଞ୍ଚଳ ଅଧିକାରୀ ଏନ.ଡି.ଶର୍ମା, ବନପାଳ ପି ଭେଙ୍କଟ ରମଣଙ୍କ ସହଯୋଗରେ ବନରକ୍ଷୀ ପ୍ରସାଦ ନାୟକ, ସନ୍ତୋଷ କୁମାର ପରିଛା, ଦେବଗିରି ବନାଞ୍ଚଳର ସମସ୍ତ ବନପାଳ,ବନରକ୍ଷୀ, ଜଙ୍ଗଲ ସୁରକ୍ଷା କର୍ମୀ ତଥା ବନଖଣ୍ଡ ମୁଖ୍ୟ କାର୍ଯ୍ୟାଳୟର ସମସ୍ତ ଷ୍ଟାଫ ଉପସ୍ଥିତ ରହି ଏହି ସଫେଇ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ ।
ଏହିଭଳି ଗଣ୍ଡାହାତି ଜଳପ୍ରପାତ ଠାରେ ମହେନ୍ଦ୍ର ବନାଞ୍ଚଳ ତରଫରୁ ସଫେଇ କାର୍ଯ୍ୟକ୍ରମ କରାଯାଇଥିଲା । ଏହି ସଫେଇ କାର୍ଯ୍ୟକ୍ରମରେ ସହକାରୀ ବନ ସଂରକ୍ଷକ ଅରୁଣ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମହେନ୍ଦ୍ର ବନାଞ୍ଚଳର ବନାଞ୍ଚଳ ଅଧିକାରୀ ସହ ସମସ୍ତ ବନପାଳ, ବନରକ୍ଷୀ, ଜଙ୍ଗଲ ସୁରକ୍ଷା କର୍ମୀ ସହଯୋଗ କରି ଏହି ସଫେଇ କାର୍ଯ୍ୟକ୍ରମ କରାଯାଇଥିଲା ।