କଟକ: କଟକ ଜିଲ୍ଲା ଭ୍ରାମ୍ୟମାଣ ଅବକାରୀ ସ୍କ୍ୱାର୍ଡ ପକ୍ଷରୁ ଚଢାଉ କରାଯାଇ ମଣ୍ଡଳୀ – ଆଠଗଡ ରାସ୍ତାର ବାଉଁସଦଣ୍ଡା ପେଟ୍ରୋଲ ପମ୍ପ ନିକଟରୁ ଏକ ସ୍କୁଟିରେ ଚାଲାଣ ହେଉଥିବା ଗଞ୍ଜେଇ ଜବତ କରାଯାଇଛି । ଚୋରା ଚାଲାଣରେ ବ୍ୟବହୃତ ସ୍କୁଟିକୁ ବିଭାଗୀୟ ଅଧିକାରୀ ଜବତ କରିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛନ୍ତି । ଜବତ ହୋଇଥିବା ସ୍କୁଟି ନମ୍ବର ଓଡି ୨୯ କେ – ୩୫୭୩ ହୋଇଥିବା ବେଳେ ସେଥିରେ ଚାଲାଣ ହେଉଥିବା ଗଞ୍ଜେଇ ଓଜନ କରିବାରେ ୨୨କିଲୋ୫୦୦ଗ୍ରାମ ବୋଲି ବିଭାଗୀୟ ସୁତ୍ରରୁ ପ୍ରକାଶ । ଜବତ ଗଂଜେଇ ର ଆନୁମାନିକ ମୂଲ୍ୟ ତିନି ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । ଏ ସଂକ୍ରାନ୍ତରେ କଟକ ଜିଲ୍ଲା ସାଲେପୁର ଅଞ୍ଚଳ ର ଲକ୍ଷ୍ମଣ ନାୟକ ପିତା ସ୍ୱର୍ଗତ କୃଷ୍ଣଚନ୍ଦ୍ର ନାୟକ ଓ ପ୍ରକାଶ ବେହେରା ପିତା ଗନ୍ଧର୍ବ ବେହେରାଙ୍କୁ ଗିରଫ କରାଯାଇ ଆଠଗଡ କୋର୍ଟକୁ ଚାଲାଣ କରାଯାଇଛି । ଭ୍ରାମ୍ୟମାଣ ଅବକାରୀ ଦଳର ନିରୀକ୍ଷକ ସଂଜିତ୍ ବାର୍ଲାଙ୍କ ନେତୃତ୍ୱରେ ଏହି ଚଢାଉ କରାଯାଇଥିଲା ।