ହରଭଙ୍ଗା : ଖୋର୍ଦ୍ଧା -ବଲାଙ୍ଗୀର ୫୭ନମ୍ବର ଜାତୀୟ ରାଜପଥ ପୁରୁଣାକଟକ ସ୍ୱାଦିଷ୍ଟ ଢ଼ାବା ନିକଟରେ ଦୁର୍ଘଟଣାରେ ଜଣେ ମୃତ ଓ ଦୁଇ ଜଣ ଗୁରୁତର ହୋଇଥିବା ଜଣାପଡିଛି । ସୂଚନା ଅନୁଯାଇ ଗତ ରାତ୍ରିରେ ପୁରୁଣାକଟକ ଥାନା ଅଞ୍ଚଳ ସ୍ୱାଦିଷ୍ଟ ଢ଼ାବା ନିକଟରେ ଏକ ଓଟୋକୁ ଆଇଚର ଧକ୍କା ଦେବା ଫଳରେ ଅଟୋରେ ଥିବା ଯାତ୍ରୀଙ୍କ ଏଭଳି ଅବସ୍ଥା ହୋଇଛି । କନ୍ଧମାଳ ଜିଲ୍ଲା ସୁଡୁରୁକୁମ୍ପା ଅଞ୍ଚଳର ତିନିଜଣ ଲୋକ କୌଣସି କାମରେ ଓଟୋ ଯୋଗେ ପୁରୁଣା କଟକ ଆସି ଥିବା ବେଳେ ସ୍ୱାଦିଷ୍ଟ ଢ଼ାବା ସମ୍ମୁଖରେ ଉକ୍ତ ଓଟୋକୁ ଆଇଚର ଧକ୍କା ଦେଇଥିଲା, ଫଳରେ ଓଟୋରେ ବସିଥିବା ପରମାନନ୍ଦ ବେହେରା (୪୫), ଡମ୍ବରୁଧର ଯାନୀ (୩୦) ସିମାଞ୍ଚଳ ଯାନୀ(୪୦) ନାମକ ତିନିଜଣ ବ୍ୟକ୍ତିଙ୍କ ମଧ୍ୟରୁ ସିମାଞ୍ଚଳ ଯାନୀ ମୁଣ୍ଡରେ ଗଭୀର ଆଘାତ ହୋଇଥିବାରୁ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା । ଦୁର୍ଘଟଣା ସ୍ଥଳ ରୁ ଆଇଚର ଫେରାର ଥିବା ବେଳେ ପୁରୁଣାକଟକ ପୋଲିସ ଦୁର୍ଘଟଣା ସ୍ଥଳରେ ପହଁଚି ଶବ ଜବତ କରିବା ସହିତ ଗୁରୁତରଙ୍କୁ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପାଇଁ ଭର୍ତ୍ତି କରି ଦୁର୍ଘଟଣାର ତଦନ୍ତ ଜାରି ରଖିଛି ।