ହରଭଙ୍ଗା : ବୀରାମଚନ୍ଦ୍ରପୁର ଗ୍ରାମର ସୁବର୍ଣ୍ଣମେରୁ ଶୈବ ପୀଠରେ ନଅ ଦିନ ଧରି ଶ୍ରୀରାମ ଚରିତ ମାନସ ପାରାୟଣ କାର୍ଯ୍ୟକ୍ରମ ଆଜି ଉଦଯାପିତ ହୋଇଛି । ଏହି ନଅ ଦିନ ଗ୍ରାମରେ ଏକ ଭକ୍ତିମୟ ପରିବେଶ ସୃଷ୍ଟି ହୋଇଥିଲା । ଗ୍ରାମର ସମସ୍ତେ ଶୁଦ୍ଧ ଚିତରେ ଘରେ ଘରେ ସାକାହାରୀ ଭୋଜନ ସହିତ ନାମ ସଂକୀର୍ତ୍ତନରେ ଓ ଧୂପଦୀପ ମହକୁ ଥିଲା । ଏହି ରାମଚରିତ ମାନସରେ ଦୈନଦିନ ପାଞ୍ଚ ଶହରୁ ଉର୍ଦ୍ଧ୍ୱ ମହିଳା ସାମିଲ ହୋଇ ରାମାୟଣ ପାଠ କରିବା ସହିତ ନାଚ ଗୀତ କରୁଥିବାର ଦେଖିବାକୁ ମିଳିଥିଲା । ନଅ ଦିନଧରି ହୋମ ଯଜ୍ଞ, ନାମ ଯଜ୍ଞ, ଅନ୍ନ ଯଜ୍ଞ କରାଯାଇ ଥିଲା । ରାମ ଚରିତ ମାନସ ନଅଦିନ ଧରି ବ୍ୟାସ ଭାବରେ ଶ୍ୟାମ ସୁନ୍ଦର ମିଶ୍ର ପାଠ କରି ଥିବା ବେଳେ ପୁରୋହିତ ଚିତ୍ତ ରଞ୍ଜନ ମିଶ୍ର, କର୍ତ୍ତା ଭାବରେ ଜୟ କିଶୋର ମିଶ୍ର ଏବଂ ତାଙ୍କ ସହଧର୍ମିଣୀ କାର୍ଯ୍ୟଭାର ତୁଲାଇଥିବା ଥିଲେ । ଉକ୍ତ ଶ୍ରୀରାମ ଚରିତ ମାନସରେ ଗ୍ରାମର ସଭାପତି ବୁଦ୍ଧି ସାଗର ମିଶ୍ର ଓ ଗ୍ରାମ୍ୟ କମିଟି ସମେତ ଗ୍ରାମବାସୀ ନଅ ଦିନ ପର୍ଯ୍ୟନ୍ତ ସଂପୂର୍ଣ୍ଣ ସହଯୋଗ କରିଥିଲେ ।