ଦଶପଲ୍ଲା : ସବୁଆଡେ ବନପାଳ ସନାତନ ସ୍ୱାଇଁଙ୍କ ପ୍ରଶଂସା । ସନାତନଙ୍କ ନାଁ ଶୁଣିଲେ ଜଂଗଲ ମାଫିଆଙ୍କ ମଧ୍ୟରେ ପସିଯାଉଛି ଛାନିଆ । ନୟାଗଡ଼ ଜିଲ୍ଲା ମହୀପୁର ବନାଞ୍ଚଳ ଅଧୀନ ବାହାଡ଼ାଝୋଲା ବନପାଳ ସନାତନ ସ୍ୱାଇଁ କାର୍ଯ୍ୟରେ ଯୋଗଦେବାପରେ ଘନ ଘନ ପାଟ୍ରୋଲିଂ କରାଯାଉଛି । ଯାହା କାଠ ମାଫିଆ ଏବଂ ଶିକାରୀଙ୍କ ମଧ୍ୟରେ ଭୟ ସୃଷ୍ଟି କରିଛି । ଗତକାଲି ପେଟ୍ରୋଲିଂ କରାଯାଉଥିବାବେଳେ ବେଲଦ୍ୱର ରାସ୍ତାରୁ ଜଙ୍ଗଲୀ ମାଂସ ସହ ଜଣଙ୍କୁ ଗିରଫ କରାଯାଇଛି । ବେରୁଆବାରୀ ପଞ୍ଚାୟତର ତ୍ରିଲୋଚନ ସାହୁଙ୍କ ପୁଅ ପାପୁନୀ ସାହୁଙ୍କଠାରୁ ୫ କେଜି ଜଙ୍ଗଲୀ ମାଂସ ଜବତ କରାଯାଇଛି । ଅନ୍ୟପକ୍ଷେ ଶିକାରୀ ଫେରାର ଥିବା ଜଣାପଡ଼ିଛି । ବାହାଡ଼ାଝୋଲା ବନପାଳ, ସନାତନ ସ୍ୱାଇଁଙ୍କ ନିଷ୍ଠାପର କାର୍ଯ୍ୟକୁ ଅଞ୍ଚଳର ବୁଦ୍ଧିଜୀବୀ ଓ ଜନପ୍ରତିନିଧି ସ୍ୱାଗତ କରିଛନ୍ତି ।