କଣ୍ଟାମାଳ : କଣ୍ଟାମାଳ ପଞ୍ଚାୟତ କଲେଜ ପରିସରରେ ଆଜି ଆଠ ଦିନିଆ ଛାତ୍ରୀ ଆତ୍ମ ସୁରକ୍ଷା ପ୍ରଶିକ୍ଷଣ ଶିବିର ଉଦଘାଟିତ ହୋଇଯାଇଛି । ଆଜି ଅନୁଷ୍ଠିତ ପ୍ରଶିକ୍ଷଣ ଶିବିରରରେ ମୁଖ୍ୟ ଅତିଥିଭାବେ କଲେଜ ଅଧ୍ୟକ୍ଷା ପ୍ରଭାସିନୀ ଖଟୁଆ ଯୋଗ ଦେଇ ବର୍ତ୍ତମାନର ପରିସ୍ଥିତିରେ ମହିଳା ନିଜ ସୁରକ୍ଷା ପାଇଁ ନିଜେ ପ୍ରସ୍ତୁତ ହେବା ଦରକାର, ଏଣୁ ଶିକ୍ଷା ଗ୍ରହଣ ସହ ଆତ୍ମ ସୁରକ୍ଷା ତାଲିମ ସେମାନଙ୍କ ପାଇଁ ସୁରକ୍ଷା କବଚ ବୋଲି କହିଥିଲେ । ଏହି ଶିବିରରେ ଅନ୍ୟତମ ଅତିଥିଭାବେ ଧନ୍ଦାମୂଳକ ଶିକ୍ଷାର ଅଧ୍ୟାପକ ଜୟପ୍ରକାଶ ମହଲା, ଅଧ୍ୟାପିକା ହରିସ୍ମା ତାଣ୍ଡିଆ, ଅମ୍ରତା ସାହୁ ପ୍ରମୁଖ ଯୋଗ ଦେଇଥିବା ବେଳେ ଅଧ୍ୟାପିକା ନିର୍ମଳା ଭୋଇ ଶିବିରକୁ ପରିଚାଳନା କରିଥିଲେ । ପ୍ରଶିକ୍ଷକଭାବେ କଳ୍ପନା ଭୋଇ ଛାତ୍ରୀ ମାନଙ୍କୁ ଆତ୍ମ ସୁରକ୍ଷାର ବିଭିନ୍ନ କୌଶଳ ଉପରେ ତାଲିମ ପ୍ରଦାନ କରିଥିଲେ ।