ସମ୍ବଲପୁର : ବିଦ୍ୟୁତ ବିତରଣକାରୀ ସଂସ୍ଥା ଓପିଟିସିଏଲ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତି ଅନୁସାରେ ଆସନ୍ତା କାଲି ବୁଧବାର ଦିନ ପୂର୍ବାହ୍ନ ୮ଟା ରୁ ସନ୍ଧ୍ୟା ୫ଟା ପର୍ଯ୍ୟନ୍ତ ସମ୍ବଲପୁର ନଗର ଓ ଏହାର ଆଖପାଖ ଅଞ୍ଚଳରେ ପାୱାର କଟ ରହିବ । କମ୍ପାନୀ ଦ୍ୱାରା ଜାରି ଏହି ବିଜ୍ଞପ୍ତି ଅନୁସାରେ ସ୍ଥାନୀୟ ଗଣେଶ ନଗର ସ୍ଥିତ ୧୩୨/୩୩ ଗ୍ରୀଡ ଷ୍ଟେସନର ବାର୍ଷିକ ମରାମତି ପାଇଁ ସେଠାରୁ ବିଦ୍ୟୁତ ସରାବରାହ ବନ୍ଦ ରହିବ । ଏହାଫଳରେ ସମ୍ବଲପୁର ବିଦ୍ୟୁତ ଡିଭିଜନ ଓ ସମ୍ବଲପୁର ପୂର୍ବ ବିଦ୍ୟୁତ ଡିଭିଜନ ଅଧୀନରେ ସମଗ୍ର ସମ୍ବଲପୁର ନଗର ଯଥା ଅଇଁଠାପାଲି, ବୁଢ଼ାରଜା, ବରେଇପାଲି, ରେମେଡଛକ, କ୍ଷେତରାଜପୁର, ଯୋଗୀପାଲି, ମୁଦିପଡା, ଧନୁପାଲି, କୁଲୁଥକାନି, ସିଟି ଷ୍ଟେସନ, ମାନେଶ୍ୱର, ସିନ୍ଦୁରପଙ୍କ, କମିଶନର କଲୋନୀ, ଜେଲଛକ, ଜିଲ୍ଲାସ୍କୁଲ, ଭୁତାପଡା, ବୃକ୍ସହିଲ୍ସ, ସାକ୍ଷୀପଡ଼ା ଓ ଗୋଲବଜାର ଆଦି ଅଞ୍ଚଳରେ ଏହି ପାୱାର କଟ ରହିବ । ଏହି ସାମୟିକ ପାୱାର କଟ ଜନିତ ଅସୁବିଧା ପାଇଁ କମ୍ପାନୀ କର୍ତ୍ତୃପକ୍ଷଙ୍କ ପକ୍ଷରୁ ଦୁଃଖ ପ୍ରକାଶ କରାଯାଇଛି ।