ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ପରିସରରେ ଅବସ୍ଥାପିତ ସିଆରପିଏଫ୍ ୧୨୭ ବାଟାଲିୟନ୍ ପକ୍ଷରୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦ୍ୱିତୀୟ କମାଣ୍ଡାଣ୍ଟ୍ ମଉଲି ମୋହନ କୁମାର ଓ ଡେପୁଟି କମାଣ୍ଡାଣ୍ଟ୍ ଅଜିତ୍ ସି ବାବୁଙ୍କ ନେତୃତ୍ୱରେ ଜବାନମାନେ ସ୍ଥାନୀୟ ବସ୍ ଷ୍ଟାଣ୍ଡ୍ ନିକଟସ୍ଥ ପୋଖରୀ ନିକଟରେ ପହଁଚି ସ୍ୱେଚ୍ଛାକୃତ ଭାବେ ପୋଖରୀ ପରିସର ସଫେଇ କାର୍ଯ୍ୟ କରିଛନ୍ତି । ପୋଖରୀ ପରିସର ଅତ୍ୟନ୍ତ ଅପରିଷ୍କାର ହୋଇଥିବା ବେଳେ ଜବାନମାନେ ଜନସାଧାରଣଙ୍କ ଉଦ୍ଦେଶ୍ୟରେ ପୋଖରୀର ଶୋଭା ବଢ଼ାଇବା ସହ ଆବର୍ଜନା ମୁକ୍ତ କରିବା ପାଇଁ ସିଆରପିଏଫ୍ ପକ୍ଷରୁ ଏହି ଜନ ହିତକର କାର୍ଯ୍ୟକ୍ରମ କରାଯାଇଛି ବୋଲି କହିଛନ୍ତି ଡେପୁଟି କମାଣ୍ଡାଣ୍ଟ୍ ଅଜିତ୍ ସି ବାବୁ । ଆଗାମୀ ଦିନରେ ଏଭଳି ଜନ ହିତକର କାର୍ଯ୍ୟକ୍ରମ ଜାରି ରହିବ ବୋଲି କହିଛନ୍ତି ଦ୍ୱିତୀୟ କମାଣ୍ଡାଣ୍ଟ୍ ।