ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଦହଣା ପଞ୍ଚାୟତ ଅନ୍ତର୍ଗତ ସଦାଶିବ ଉଚ୍ଚ ବିଦ୍ୟାଳୟ ପଡ଼ିଆଠାରେ ପୁରୁଷ ହକି ବିଶ୍ୱକପ ନିମନ୍ତେ ବ୍ଲକ ସ୍ତରୀୟ ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଜନ ସାଧାରଣଙ୍କ ମଧ୍ୟରେ ଉତ୍ସାହ ଓ ଉଦ୍ଦୀପନାର ବୃଦ୍ଧି ନିମନ୍ତେ ସରକାରଙ୍କ ତରଫରୁ ଏହି କ୍ରୀଡା ପ୍ରତିଯୋଗିତାର ଆୟୋଜନ କରାଯାଇଛି । ଦୁଇଦିନିଆ ଏହି ପ୍ରତିଯୋଗିତାରେ ପଡାଲଗୁଡା, ନିସନାହାଣ୍ଡି , ସିନ୍ଧିଗୁଡା, ବି ମାଳିଗୁଡା, ଜଗନ୍ନାଥ ପୁର , ଝାଡବନ୍ଧଗୁଡା, ନନ୍ଦାହାଣ୍ଡି, ଦହଣା, ଡଙ୍ଗରଭେଜା ଏହି ଭଳି ୧୧ ଗୋଟି ପଞ୍ଚାୟତର ପଞ୍ଚାୟତ ସ୍ତରୀୟ ବିଜେତା ଟିମ୍ ର ଖେଳାଳି ମାନେ ଭାଗ ନେଇଥିଲେ । ଏହି ପ୍ରତିଯୋଗିତାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ନନ୍ଦାହାଣ୍ଡି ବ୍ଲକ ଅଧ୍ୟକ୍ଷା ରଶ୍ମିତା ମାଝୀ, ନନ୍ଦାହାଣ୍ଡି ବ୍ଲକ ଜୋନ୍ ୨ର ଜିଲ୍ଲା ପରିଷଦ ସଭ୍ୟ ଅରୁଣ କୁମାର ମିଶ୍ର, ନନ୍ଦାହାଣ୍ଡି ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶିବ ଶଙ୍କର ମୁର୍ମୁ , ବ୍ଲକର ସବୁ ପଞ୍ଚାୟତର ସରପଞ୍ଚ, ସମିତି ସଭ୍ୟ, ପିଇଓ ଓ ବ୍ଲକର ମାନ୍ୟଗଣ୍ୟ ବ୍ୟକ୍ତି ମାନେ ଯୋଗ ଦେଇଥିବା ବେଳେ ଜଗେଶ ଖେଳ ପରିଚାଳନା କରିଥିଲେ । ଆଜିର ଏହି ପ୍ରତିଯୋଗିତା ଦହଣା ଏସଏସଡି ଉଚ୍ଚ ବିଦ୍ୟାଳୟ ପଡିଆ ଓ ସରୁଗୁଡା ଓଏଭି ପଡ଼ିଆ ଠାରେ ଅନୁଷ୍ଠିତ ହୋଇଥିବା ବେଳେ ସେମିଫାଇନାଲ ଓ ଫାଇନାଲ ଆସନ୍ତାକାଲି ଅନୁଷ୍ଠିତ ହେବ । ଏହାର ଉଦଯାପନ କାର୍ଯ୍ୟକ୍ରମ ଆସନ୍ତା କାଲି ଅନୁଷ୍ଠିତ ହେବ ।