ହରଭଙ୍ଗା,୨୨/୯:- ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ ବରିଷ୍ଠ ବିଜେପି ନେତା ତଥା ପୂର୍ବତନ ବିଧାୟକ ପ୍ରାର୍ଥୀ ସୁଶାନ୍ତ ପ୍ରଧାନଙ୍କ ନେତୃତ୍ୱରେ ଆଜି ଦ୍ୱିତୀୟ ଦିନରେ ବୌଦ୍ଧ ନିର୍ବାଚନ ମଣ୍ଡଳୀ ଅନ୍ତର୍ଗତ ପୁରୁଣାକଟକ ଓ ହରଭଙ୍ଗା ମଣ୍ଡଳର ବିଭିନ୍ନ ଗ୍ରାମ ଗୁଡିକରେ ସରକାରଙ୍କ ‘ମୋ ମାଟି ମୋ ଦେଶ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ଆଜି ପ୍ରଥମେ ରାଣୀଗଞ୍ଜ ଶିବ ମନ୍ଦିରରୁ ମାଟି ସଂଗ୍ରହ ଅଭିଯାନ ଆରମ୍ଭକରି ରାଣୀଗଞ୍ଜ ଗ୍ରାମ ପରିକ୍ରମା ସହ ଘରକୁ ଘର ମାଟି ସଂଗ୍ରହ କରାଯାଇଥିଲା ।
ତତ୍ସହିତ ଆଡେଣିଗଡ ଶିବ ମନ୍ଦିରରେ ପଜାର୍ଚ୍ଚନା ଓ ମାଟି ସଂଗ୍ରହ କରି ଗ୍ରାମର ବିଭିନ୍ନ ସାହି ପରିକ୍ରମା କରାଯାଇଥିଲା । ପରେ ଚାରିଛକ ମନ୍ଦିରରୁ ବଜାର ଯାଏଁ, ଲୁଣିବାହାଲ ଗ୍ରାମ ଆରମ୍ଭରୁ ହନୁମାନ ମନ୍ଦିର ଯାଏଁ ଓ ହରେକୃଷ୍ଣପୁର ମନ୍ଦିରରୁ ମାଟି ସଂଗ୍ରହ କରିବାସହ ବିଭିନ୍ନ ସାହି ପରିକ୍ରମା କରି ମାଟି ସଂଗ୍ରହ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ବିଜେପି ବରିଷ୍ଠ ନେତା ସୁଶାନ୍ତ ପ୍ରଧାନ ନେତୃତ୍ୱ ନେଇଥିବାବେଳେ ବ୍ଲକ ଉପାଧ୍ୟକ୍ଷ ସରୋଜ ପ୍ରଧାନ, ବୌଦ୍ଧ ବିଧାନସଭା ସଂଯୋଜକ ଯୁଗଳ କିଶୋର ସାମଲ, ବିଧାନସଭା ପ୍ରଭାରୀ ଇଂ. ରାକେଶ ତ୍ରିପାଠୀ, ବରିଷ୍ଠ ବିଜେପି ନେତା ସୁବାସ ପ୍ରଧାନ, ଦେବାଶିଷ ପୁରୋହିତ, କୃଷ୍ଣ ମିଶ୍ର, ବିଶାଳ ହାତୀ, ସୁଶୀଳ ଦେହୁରୀ, ରଞ୍ଜନ ପ୍ରଧାନ, ସୁଧାଂଶୁ ମହାକୁଡ଼ ପ୍ରମୁଖଙ୍କ ସମେତ ହଜାର ହଜାର ବିଜେପି କର୍ମୀ ସାମିଲ ଥିଲେ ।