ଜହ୍ନାପଙ୍କ,୧୩/୯: ବୌଦ୍ଧ ବ୍ଲକ ବ୍ରାହ୍ମଣୀପାଲି ପଞ୍ଚାୟତ ଅନ୍ତର୍ଗତ ପିଙ୍ଗଲାବେଡା ଷୋରିଷ ନାଳ ନିକଟରେ ବଜ୍ରାଘାତରେ ଜଣେ ମୃତ ଓ ଦୁଇଜଣ ଗୁରୁତର ହୋଇଥିବା ଜଣାପଡିଛି । ସୂଚନା ଅନୁଯାୟୀ ବଲାକିରା ଗ୍ରାମର ବାପୁନ୍ ସାହୁ, କରନ୍ ମହାକୁଲ ଓ ଜଡାପାଲ୍ ଗ୍ରାମର ସୁମନ୍ତ ସାହୁ ବିଲରୁ ନିଜର କାମ ସାରି ଘରକୁ ଫେରୁଥିବା ବେଳେ ରାସ୍ତାରେ ପ୍ରବଳ ବର୍ଷା ହୋଇଥିଲା । ଫଳରେ ସେମାନେ ଏକ ଗଛ ତଳେ ଆଶ୍ରୟ ନେଇ ରହିଥିଲେ । ଏହି ସମୟରେ ବଜ୍ରପାତ ହେବାରୁ ଏମାନଙ୍କ ଉପରେ ବଜ୍ରାଘାତ ହୋଇଥିଲା ଏବଂ ସେହି ସ୍ଥାନରେ ହିଁ ବଲାକିରା ଗ୍ରାମର କରନ୍ ମହକୁଲଙ୍କ ମୃତ୍ୟୁ ହୋଇ ଯାଇଥିବା ବେଳେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଥିଲେ । ଗୁରୁତରଙ୍କୁ ୧୦୮ ଆମ୍ବୁଲାନ୍ସ ଯୋଗେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଆଣି ଭର୍ତ୍ତି କରାଯାଇ ସେମାନଙ୍କର ଚିକିତ୍ସା ଜାରି ରହିଛି । ଘଟଣା ସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଥିବା ବେଳେ ପରିବାର ପକ୍ଷରୁ କ୍ଷତିପୂରଣ ଦାବି କରାଯାଇଛି ।