ପୁରୀ: ପୁରୀ ଜିଲ୍ଲା ସ୍ୱାଧିନତା ଦିବସ ପ୍ୟାରେଡ ସ୍ଥଳରୁ ନକଲି ଯବାନ ଅଟକ । ସ୍ୱାଧୀନତା ଦିବସ ଅବସରରେ ତାଳବଣିଆ ଇଣ୍ଡୋର ଷ୍ଟାଡିୟମ୍କୁ ଜଣେ ନକଲି ଯବାନ ପୋଷାକ ପିନ୍ଧି ପ୍ରବେଶ କରିଥିବାରୁ ତାଙ୍କୁ ଅଟକ ରଖାଯାଇଛି । ତାଙ୍କୁ ଚିହ୍ନଟ ପରେ ପୋଲିସ ଅଟକ ରଖି ପଚରାଉଚରା କରୁଛି । ଅଟକ ନକଲି ଯବାନ ପୁରୀ କୁମ୍ଭାରପଡା ଅଞ୍ଚଳର ସୁନୀଲ କୁମାର ବୋଲି ଜଣାପଡିଛି । ଜାତୀୟ ପତାକା ଉତ୍ତୋଳନ ପୂର୍ବରୁ ତାଙ୍କୁ ଚିହ୍ନଟ କରାଯାଇଥିଲା । ଗଣମାଧ୍ୟମ ପାଇଁ ଉଦ୍ଧିଷ୍ଟ ଟେଣ୍ଟରେ ସେ ଆର୍ମି ଅଧିକାରୀଙ୍କ ପୋଷାକ ପିନ୍ଧି ବସିଥିଲେ । ମୁହଁରେ କପଡ଼ା ବାନ୍ଧିବା ସହ ଏନସିସି ଅଧିକାରୀଙ୍କ ପାଖରେ ବସି ରହିଥିଲେ । ତେବେ ଘଟଣାର ଛାନବିନ କରୁଛି ପୁଲିସ ।