ଦଶପଲ୍ଲା : କନ୍ଧମାଳ ଜିଲ୍ଲା ଖଜୁରୀପଡା ଥାନା ଅଞ୍ଚଳରେ କିଛି ଦିନ ପୂର୍ବେ ହୋଇଥିବା ବାଇକ ଚୋରି ଘଟଣାରେ ପୋଲିସ ୬ ଜଣ ଅଭିଯୁକ୍ତଙ୍କୁ ଗିରଫ କରିଛି । ସୂଚନା ଅନୁଯାୟୀ, ବାଇକ୍ ଚୋରି ନେଇ ଅଭିଯୋଗ ମିଳିବା ପରେ ଖଜୁରୀପଡ଼ା ଥାନା ଅଧିକାରୀ ଶ୍ରୀମତୀ ଗେହ୍ଲି ସାହୁ ମାମଲା ରୁଜୁ କରି ନିଜେ ଏହାର ତଦନ୍ତ ଚଳାଇଥିଲେ । ଆଉ ମାମଲା ରୁଜୁ ହେବାର ମାତ୍ର ୩୬ ଘଣ୍ଟା ମଧ୍ୟରେ ଦୁଇଟି ବାଇକ୍ ଉଦ୍ଧାର କରିବାରେ ସଫଳ ହୋଇଛନ୍ତି । ଖଜୁରୀପଡ଼ା ଥାନାକୁ ପ୍ରଥମ ଥର ପାଇଁ ଏଭଳି ସଫଳତା ମିଳିଥିବାରୁ ଥାନା ଅଧିକାରୀ ଶ୍ରୀମତୀ ଗେହ୍ଲି ସାହୁ ଓ ସବ୍ ଇନ୍ସପେକ୍ଟର ଉଦ୍ଧବ ଜାନୀଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ଗିରଫ୍ ହୋଇଥିବା ଅଭିଯୁକ୍ତମାନେ ହେଲେ ମାଧପୁର ଅଞ୍ଚଳର ଅନନ୍ତ ଜାନି, କୁଟିବାରି ଗ୍ରାମର ଚିତ୍ତରଞ୍ଜନ ପ୍ରଧାନ, ଡଙ୍ଗୀ ସାହିର ବବଲୁ ଝାଙ୍କର, ଡିମିରି ଖୋଲର ସପନ ପ୍ରଧାନ, ଛନ୍ଦୁରପଦର ଗ୍ରାମର ମିଥୁନ ପ୍ରଧାନ, ଶୁଜାପାଜୁର ପ୍ରତାପ ମଲ୍ଲିକ । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।