ପୁରୀ: ପୁରୀ ସଦର ଥାନା ପୋଲିସ ଦ୍ୱାରା ୬ ଡକାୟତ ଗିରଫ । ଗତକାଲି ବିଳମ୍ବିତ ରାତିରେ ୬ଜଣ ଅଭିଯୁକ୍ତ ମଙ୍ଗଳାଘାଟ ବାଇପାସ୍ ରାସ୍ତା ଜଳଭଣ୍ଡାର ନିକଟରେ ଡକାୟତି ଯୋଜନା କରୁଥିବା ବେଳେ ଏମାନଙ୍କୁ ଗିରଫ କରିଛି ସଦର ଥାନା ପୋଲିସ । ଗିରଫ ଅଭିଯୁକ୍ତ ମାନେ ହେଉଛନ୍ତି ପୁରୀ ସଦର ଗୋଲାସାହିର ଆଶୀର୍ବାଦ ବରାଳ, ହରେକୃଷ୍ଣପୁରର ଶ୍ରୀଧର ଜେନା, ଗିରଳର ଜିତେନ୍ଦ୍ର ରାଉତ, ଗୋରୁଆଳର ପ୍ରଭାତ ବରାଳ, ସଞ୍ଜୟ ସୁନ୍ଦରା ଓ ନିଳଚକ୍ର ନଗରର ସୌମ୍ୟରଞ୍ଜନ ପଣ୍ଡା । ଏହି ଅଭିଯୁକ୍ତଙ୍କ ଠାରୁ ପୋଲିସ ଦୁଇଟି ଜୀବନ୍ତ ବୋମା, ଲଙ୍କାଗୁଣ୍ଡ ଓ ମାରଣାସ୍ତ୍ର ଜବତ କରିଛି । ଗିରଫ ଅଭିଯୁକ୍ତଙ୍କୁ ସଦର ଥାନା ପୋଲିସ ଆଜି କୋର୍ଟ ଚାଲାଣ କରିଥିବା ବେଳେ ପୁରୀକୁ ଅପରାଧ ମୁକ୍ତ କରିବା ପାଇଁ ପୋଲିସ ସର୍ବଦା ପ୍ରୟାସ କରୁଛି ବୋଲି ଏକ ସାମ୍ବାଦିକ ସମ୍ମିଳନୀରେ ସଦର ଏସଡିପିଓ ରବିନାରାୟଣ ଭଞ୍ଜ ସୂଚନା ଦେଇଛନ୍ତି ।