ଘୁ ଉଦୟଗିରି: ସ୍ଥାନୀୟ ବ୍ଲକ ଅଧିନରେ ଥିବା କଳିଙ୍ଗା ପଞ୍ଚାୟତ ଅନ୍ତର୍ଗତ କଳିଙ୍ଗ ଘାଟିର ଆରମ୍ଭରେ ବାଇକ୍ ଦୁର୍ଘଟଣାରେ ଜଣେ ମହିଳା ଓ ପୁରୁଷ ଆହତ ହୋଇଥିବା ସୂଚନା ରହିଛି ।ସୂଚନା ଅନୁସାରେ ସ୍ଥାନୀୟ ବ୍ଲକ ଅନ୍ତର୍ଗତ ପୁକୁଲିଙ୍ଗିଆ ନିବାସୀ ବାଗୁଲିଆ ପ୍ରଧାନ (୪୮) ଓ କଳିଙ୍ଗା ରାସେଡି ସାହିର ପ୍ରିୟତମା ପ୍ରଧାନ (୩୫) କୌଣସି କାମରେ ଭଞ୍ଜନଗର ଓଡ଼ି ୧୨ ସି ୧୬୯୬ ନମ୍ୱର୍ ବିଶିଷ୍ଟ ହୋଣ୍ଡା ସାଇନ୍ ବାଇକରେ ଯାଉଥିଲେ । ଘାଟି ଆରମ୍ଭରୁ ଏକ ଅଜଣା ବାଇକ୍ ଘାଟି ଚଢ଼ୁଥିଲା ବେଳେ କୌଣସି କାରଣରୁ ଦୁଇ ବାଇକ୍ ମଧ୍ୟରେ ଧକ୍କା ହୋଇଥିଲା,ଫଳରେ ଗୋଟିଏ ବାଇକ୍ ରେ ଥିବା ମହିଳା ଓ ପୁରୁଷ ରାସ୍ତାକଡରେ ଲାଗିଥିବା ଲୁହା ପ୍ଲେଟ ମଧ୍ୟରେ ବାଡେଇ ହେବା ଫଳରେ ଆହତ ହୋଇଥିଲେ । ଦୁର୍ଘଟଣା ପରେ ଦୁର୍ଘଟଣା ଘଟେଇଥିବା ବାଇକ୍ ଚାଳକ ଘଟଣା ସ୍ଥଳରୁ ଚମ୍ପଟ ମାରିଥିଲା । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ସେମାନଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଆଣିଥିଲେ ସେଠାରେ ବଗୁଲିଆ ପ୍ରଧାନଙ୍କୁ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ଏମକେସିଜି ବଡ଼ ମେଡ଼ିକାଲ ପଠେଇଥିଲେ ଅଧିକ ଚିକିତ୍ସା ପାଇଁ ଓ ଅନ୍ୟ ମହିଳାଙ୍କୁ ସ୍ଥାନୀୟ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ କରୁଥିବା ସୂଚନା ରହିଛି ।