ହରଭଙ୍ଗା : ହରଭଙ୍ଗା ବ୍ଲକ ପୁରୁଣା କଟକ ଥାନା ବଡବନ୍ଧଛକ ନିକଟରେ ରବିବାର ଦିନ ଏକ ବାଇକ ଭାରସାମ୍ୟ ହରାଇ ରାସ୍ତା କଡ଼ ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଗୁରୁତର ଭାବେ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବୌଦ୍ଧ କୁଡାପଡା ସାହିର କୌଶିକ ହୋତା ଓ ଭଦ୍ରକ ଜିଲ୍ଲା ବିହାର ଗାଡ଼ିଆ ଗ୍ରାମର ହିମାଂଶୁ ବେହେରା ନାମକ ଦୁଇଜଣ ମିଶି ବାଇକ ଯୋଗେ ବୌଦ୍ଧ ପଟରୁ ଚାରିଛକ ଅଭିମୁଖେ ଆସୁଥିବା ସମୟରେ ବାଇକଟି ବଡବନ୍ଧ ଛକ ନିକଟରେ ଥିବା ଏକଗଛରେ ଭାରସାମ୍ୟ ହରାଇ ପିଟିହେବାରୁ ଘଟଣା ସ୍ଥଳରେ କୌଶିକ ହୋତା ନାମକ ଯୁବକ ଜଣକଙ୍କ ମୃତ୍ୟୁ ହୋଇଥିବା ବେଳେ ସାଥି ହିମାଂଶୁ ବେହେରା ଗୁରୁତର ଭାବେ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ବେଳେ ଅବସ୍ଥା ଗୁରୁତର ଥିବାରୁ ତାଙ୍କୁ ବୌଦ୍ଧ ମେଡିକାଲକୁ ପଠାଇ ଦେଇଥିବା ଜଣାପଡିଛି । ଘଟଣା ସ୍ଥଳରେ ପୁରୁଣା କଟକ ପୋଲିସ ପହଁଚି ତଦନ୍ତ ଜାରି ରଖିଛି ।