ପୁରୀ: ପୁଣି ପୁରୀରେ ଲାଗିଲା ନିଆଁ । ଫାଇବର ଖଡ଼ିମୂର୍ତ୍ତି ଗୋଦାମରେ ନିଆଁ ଲାଗି ୮ ଲକ୍ଷ ଟଙ୍କାର ସମ୍ପତ୍ତି ନଷ୍ଟ ହୋଇଛି । ଖବର ପାଇ ଅଗ୍ନିଶମ ବିଭାଗର ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚିଥିଲା । ଆଠଜଣ ଆଗ୍ନିକ ନିଆଁକୁ ଆୟତ୍ତ କରିଥିଲେ । ମାତିତୋଟା ରୋଡ଼ ଗୋଖା ସାହି ଛକ ନିକଟର ପ୍ରାଇମେରୀ ସ୍କୁଲ ପାଖରେ ନାରାୟଣ ଜେନାଙ୍କ ଘରେ ଭଡ଼ାରେ ଉମାଶଙ୍କର ହ୍ୟାଣ୍ଡିକ୍ରାଫ୍ଟ ହୋଇଥିଲା । ଏହି ଖଡ଼ି ଗୋଦାମରେ ମହାପ୍ରଭୁଙ୍କ ମୂର୍ତ୍ତି ତିଆରି ହେଉଥିଲା । ବିଦ୍ୟୁତ୍ ସଟ ସର୍କିଟ ଯୋଗୁଁ ଏହି ନିଆଁ ଲାଗିଥିବ ସନ୍ଦେହ କରାଯାଉଛି ।