ସୁବର୍ଣ୍ଣପୁର: ସୋନପୁର ସ୍ଥିତ ଗାନ୍ଧୀ ପଡିଆରେ ଚାଲିଥିବା ସୋନପୁର ପ୍ରିମିୟର ଲିଗର ପଞ୍ଚମ ମ୍ୟାଚରେ ମଣ୍ଟୁ ୱାରିୟର୍ସ ନାଇସେଟ କିଙ୍ଗସ ବିରୁଦ୍ଧରେ ରୋମାଞ୍ଚକର ବିଜୟ ହାସଲ କରିଛି । ପ୍ରଥମେ ବ୍ୟାଟିଂ କରି ମଣ୍ଟୁ ୱାରିୟର୍ସ ନିର୍ଦ୍ଧାରିତ ଓଭର ଶେଷ ସୁଦ୍ଧା ୧୪୨ରନ ସଂଗ୍ରହ କରିଥିଲା । ଦଳ ପକ୍ଷରୁ କିଷନଲାଲ ସାଗର ସର୍ବାଧିକ ୫୦ ରନ (୨୮ ବଲ ), ସୌରଭ ତରିଆ ୨୪ ରନ (୧୮ ବଲ ) ଓ ଟିକେଶ୍ୱର ମହାକୁଡ଼ ୧୯ ରନ (୨୧ ବଲ ) ଓ ଅଭିଳାଷ ନାୟକ ୧୫ ରନ( ୧୪ବଲ ), ସ୍କୋର କରିଥିଲେ । ନାଇସେଟ ପକ୍ଷରୁ ବିଷ୍ଣୁ ନାୟକ ଏକ ଚମତ୍କାର ହ୍ୟାଟ୍ରିକ ସହ ସର୍ବାଧିକ ୫ଟି ଉଇକେଟ ଅକ୍ତିଆର କରିଥିଲେ । ସୁରେଶ ବେହେରା ଓ ସୁଶାନ୍ତ ବିଶି ପ୍ରତ୍ୟେକ ୨ ଟି ଏବଂ ସୁରଜ ମହାପାତ୍ର ୧ ଟି ଉଇକେଟ ଅକ୍ତିଆର କରିଥିଲେ । ଏହାର ଜବାବରେ ନାଇସେଟ କିଙ୍ଗସ ଦଳ ବରୁଣ ଦାସଙ୍କ ୩୫ ରନ (୧୮ବଲ ), ବିନୋଦ ଭୋଇଙ୍କ ୩୦ରନ (୩୬ବଲ ) ଓ ସୁରଜ ମହାପାତ୍ରଙ୍କ ୨୩ରନ( ୨୫ ବଲ ),ସତ୍ତେ୍୍ୱ ବିଜୟ ଲକ୍ଷ୍ୟ ଠାରୁ ୯ରନ ଦୂରରେ ରହି ପରାଜିତ ହୋଇଥିଲେ । ମଣ୍ଟୁ ୱାରିୟର୍ସ ପକ୍ଷରୁ ଉମାଶଙ୍କର ହୋତା ସର୍ବାଧିକ ୪ ଟି, ସୌରଭ ତରିଆ ୩ ଟି ଓ ବାଦଳ ପରଦେଶୀ ନିଶାଦ ୧ ଟି ଉଇକେଟ ଅକ୍ତିଆର କରିଥିଲେ । ମ୍ୟାଚର ଶ୍ରେଷ୍ଠ ଖେଳାଳୀ ପୁରସ୍କାର ମଣ୍ଟୁ ୱାରିୟର୍ସର ସୌରଭ ତରିଆଙ୍କୁ ପ୍ରଦାନ କରାଯାଇଥିଲା । ଶ୍ରେଷ୍ଠ ବୋଲର ପୁରସ୍କାର ବିଷ୍ଣୁ ନାୟକ (ନାଇସେଟ କିଙ୍ଗସ) ଶ୍ରେଷ୍ଠ ବ୍ୟାଟ୍ସମ୍ୟାନ କିଷାନଲାଲ ସାଗର (ମଣ୍ଟୁ ୱାରିୟର୍ସ) ଓ କମାଲ କ୍ୟାଚ ପୁରସ୍କାର ସୌରଭ ତରିଆ (ମଣ୍ଟୁ ୱାରିୟର୍ସ)ଙ୍କୁ ପ୍ରଦାନ କରାଯାଇଥିଲା । ମ୍ୟାଚ ପରିଚାଳନା କରିଥିଲେ ଶ୍ୟାମ ସୁନ୍ଦର ପଣ୍ଡା ଓ ଶ୍ରୀବନ୍ତ ନାୟକ । ଅନଲାଇନ ସ୍କୋରର ଥିଲେ ଦୀନେଶ ଘିବେଲା ଓ ବିଷ୍ଣୁ ନାୟକ । ଧାରା ବିବରଣୀ ପ୍ରଦାନ କରିଥିଲେ ବି ଏସ ରାଓ ଓ ଅଚ୍ୟୁତ ମିଶ୍ର । ମ୍ୟାଚ ଶେଷରେ ସୋନପୁର ଫରେଷ୍ଟର ଜୟକୃଷ୍ଣ ପଟ୍ଟନାୟକ, ଜିଲ୍ଲା ଔଷଧ ବ୍ୟବସାୟୀ ସଂଘର ସମ୍ପାଦକ ସତ୍ୟନାରାୟଣ ଦରୱାନ, ଶିକ୍ଷାବିତ ସନ୍ତୋଷ ପୁଝାରୀ ଓ ବିଶିଷ୍ଟ ବ୍ୟବସାୟୀ ରାଜେଶ ମେହେର ଅତିଥି ଭାବରେ ଯୋଗ ଦେଇ ପୁରସ୍କାର ବିତରଣ କରିଥିଲେ ।