ରାଇକିଆ: କନ୍ଧମାଳ ଜିଲ୍ଲା ରାଇକିଆ ବ୍ଲକ ଅଧିନରେ ଥିବା କରଡ଼ା ପଞ୍ଚାୟତର ବରପାଲି(କାନାଡି)ଗ୍ରାମର ଦିବାକର ନାୟକଙ୍କ ପୁଅ କାହ୍ନା ନାୟକ( ୧୩)ଙ୍କର ଚିତି ସାପ କାମୁଡାରେ ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ଗତ ୭ ତାରିଖରେ ରାତି ପ୍ରାୟ ୨ଘଣ୍ଟିକା ସମୟରେ ଘରେ ଶୋଇଥିବା ସମୟରେ ଚିତି ସାପ କାମୁଡ଼ିଥିଲା ।ପରେ ପରିବାର ଲୋକେ ତାଙ୍କୁ ସୋରଡା ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ ।ସେଠାରେ ଆଜି ଚିକିତ୍ସା ଅବସ୍ଥାରେ କହ୍ନା ନାୟକଙ୍କ ମୃତ୍ୟୁ ହୋଇଥିବା ସୂଚନା ରହିଛି । ସାପ କାମୁଡାରେ ମୃତ୍ୟୁ ହୋଇଥିବା କାହ୍ନା ପରିବାରକୁ କରଡ଼ା ସରପଞ୍ଚ ସାନୁଜ ପ୍ରଧାନ, ୱାର୍ଡ ମେମ୍ବର ପ୍ରଶାନ୍ତ ସମେତ ନରେନ୍ଦ୍ର ଚୌଧୁରୀ, କାହ୍ନା ଚୌଧୁରୀ, ବାବୁଲା ଦଳବେହେରା ଓ ଅନେକ ଗ୍ରାମବାସୀଙ୍କ ସହିତ ଶୋକାକୁଳ ପରିବାରକୁ ସାକ୍ଷାତ କରି ଦାହ ସଂସ୍କାର ନିମିତ୍ତ ସରକାରଙ୍କ ହରିଶ୍ଚନ୍ଦ୍ର ଯୋଜନାରେ ୨୦୦୦ ଟଙ୍କା ପ୍ରଦାନ କରିବା ସହ ଶୋକୋସନ୍ତପ୍ତ ପରିବାରକୁ ଶାନ୍ତି ଶାନ୍ତ୍ୱନା ପ୍ରଦାନ ନିମନ୍ତେ ଭଗବାନଙ୍କ ଠାରେ ପ୍ରାର୍ଥନା କରିଥିଲେ ।