ପାଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଉପକଣ୍ଠରେ ଥିବା ରାମସାଗରରେ ସ୍ୱିଚ ଗେଟରୁ ଜଳ ବାହାରୁ ନଥିବାରୁ ଚାଷୀ ଧାନ ଫସଲକୁ ଜଳ ପାଇ ପାରୁନଥିବାରୁ ଚାଷୀ ହତାଶ ହୋଇ ପଡିଛନ୍ତି । ଏହି ବିଷୟରେ ସହକାରୀ ଯନ୍ତ୍ରୀକୁ ଆମ ପ୍ରତିନିଧି ଯୋଗାଯୋଗ କରିବାରୁ ସ୍ୱିଚ ଗେଟ ମଧ୍ୟରେ ପଥର ଅବରୋଧ ଥିବା ଯୋଗୁଁ ଜଳ ନିଷ୍କାସିତ ହୋଇପାରୁ ନାହିଁ ବୋଲି କହିଥିଲେ ।ଜଳ ନିଷ୍କାସିତ ସକାଶେ ପ୍ରୟାସ ଚାଲିଛି ବୋଲି କହିଥିଲେ । ପ୍ରକାଶ ଥାଉ କି ୧୦ ଦିନ ହେବ ଜଳ ସ୍ୱିଚ ଗେଟ ଦ୍ୱାରା ଜଳ ନିଷ୍କାସିତ ହେଉନଥିବାରୁ ବଡ଼ ଧାନ କିସମର ଧାନକୁ ଠିକ ସମୟରେ ଜଳ ପାଇ ପାରିଲା ନାହିଁ ଯାହା ଫଳରେ ଧାନ ବାହାରି ପାରିଲା ନାହିଁ ।ଫସଲ କ୍ଷତି ହେବାର ସମ୍ଭାବନା ରହିଛି । ଯଥା ଶୀଘ୍ର ଚାଷୀକୁ ଜଳ ଯୋଗାଇବା ସକାଶେ ଚାଷୀ ପକ୍ଷରୁ ଦାବି ହେଉଛି ।