ଖପ୍ରାଖୋଲ : ଖପ୍ରାଖୋଲ ସ୍ଥାନରେ ଥିବା ୧୮୯ ବାଟାଲିୟନ ସିଆର୍ପିଏଫ୍ ଦ୍ୱାରା ଆୟୋଜିତ୍ ହୋଇଥିବା ସ୍ୱଚ୍ଛତା ଅଭିଯାନ କାର୍ଯ୍ୟକ୍ରମ ବୁଧବାର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଖପ୍ରାଖୋଲ ୧୮୯ ବାଟାଲିୟନ ସିଆର୍ପିଏଫ୍ କମାଣ୍ଡେଣ୍ଟ ପବନ କୁମାର ତିୱାରୀ, ଆସିଷ୍ଟାଣ୍ଟ କମାଣ୍ଡେଣ୍ଟ ଲକ୍ଷବିନ୍ଦର ସିଂ ଉପସ୍ଥିତ ରହି ଲୋକଙ୍କୁ ସ୍ୱଚ୍ଛତା ପ୍ରତି ସଚେତନ ହୋଇ କିଭଳି ସ୍ୱଚ୍ଛତା ରହିବ ସେଥିପ୍ରତି ଦୃଷ୍ଟି ଦେବା ପାଇଁ ଖପ୍ରାଖୋଲ ବସଷ୍ଟାଣ୍ଡ ପରିସର ଓ ଆଖପାଖରେ ସଫା କରି ସ୍ୱଚ୍ଛତା ଅଭିଯାନ କରାଯାଇଛି । ସେହିପରି ଅଞ୍ଚଳକୁ ସ୍ୱଚ୍ଛ ଓ ସଫା ରଖିବା ଉପରେ ଗୁରୁତ୍ୱ ଦେବାକୁ ଅନୁରୋଧ କରିଥିଲେ । ସ୍ୱଚ୍ଛତା ଅଭିଯାନ କାର୍ଯ୍ୟକ୍ରମରେ ଖପ୍ରାଖୋଲ ୧୮୯ ସିଆର୍ପିଏଫ୍ ବାଟାଲିୟନ କର୍ମଚାରୀ ଓ ବସଷ୍ଟାଣ୍ଡ ଏବଂ ଆଖପାଖ ଅଞ୍ଚଳ, ସ୍ଥାନୀୟ ନାଗରିକ, ଦୋକାନୀମାନେ ମଧ୍ୟ ଅଂଶଗ୍ରହଣ କରି ସହଯୋଗ କରିଥିଲେ ।