ପୁରୀ : ଶାଶୁକୁ ଛୁରି ମାରି ହତ୍ୟାକଲା ଜ୍ୱାଇଁ । ଜ୍ୱାଇଁ ଶକ୍ତିଧର ଦାଶ ପାରିବାରିକ କନ୍ଦଳ ଯୋଗୁଁ ଆଜି ତାଙ୍କ ଶାଶୁଙ୍କ ପେଟରେ ଛୁରି ପୁରାଇ ଦେଇଥିଲେ । ଫଳରେ ଶାଶୁ ତିଳୋତମା କରଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ତିଳୋତମାଙ୍କୁ ତୁରନ୍ତ ପୁରୀ ସଦର ଡାକ୍ତରଖାନାରେ ଭର୍ତ୍ତି କରାଯାଇଥିଲା ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏଭଳି ଅଭାବନୀୟ ଘଟଣା ଘଟିଛି ପୁରୀ ବାସେଳିସାହି ଥାନା ଅନ୍ତର୍ଗତ ବନମାଳି ନଗରରେ । ଏଭଳି ଜଘନ୍ୟ ଭାବରେ ହତ୍ୟାକରି ଜ୍ୱାଇଁ ସେହି ଘରେ ବିଷ ପିଇ ଆତ୍ମହତ୍ୟା କରିବାକୁ ଚେଷ୍ଟା କରିଥିବାବେଳେ ପ୍ରଥମେ ବଳିଆପଣ୍ଡାଥାନା ପୋଲିସ ଘଟଣାସ୍ଥଳରେ ପହଞ୍ଚି ତାକୁ ଉଦ୍ଧାର କରି ପୁରୀ ଡାକ୍ତରଖାନାରେ ଭର୍ତ୍ତି କରିଛି । ଚିକିତ୍ସା ଚାଲିଛି । ପରେ ଏହି ଅଞ୍ଚଳ ବାସେଳି ସାହି ଥାନାରେ ଯାଉଥିବାରୁ ମୃତ ତିଳୋତମାଙ୍କ ଇନକ୍ୟୁଷ୍ଟେ କରିବା ସହ ପୋଷ୍ଟମଟମ ପାଇଁ କାଜଗପତ୍ର କରି ତଦନ୍ତ ଆରମ୍ଭ କରିଛି । ପାରିବାରିକ କଳହ ହତ୍ୟାକାଣ୍ଡର କାରଣ ବୋଲି ପୁଲିସ କହୁଛି । କଣ ପାଇଁ ଜ୍ୱାଇଁ ଏକ ଛୁରି କିଣି ଶାଶୁଙ୍କୁ ହତ୍ୟାକଲା ଏହାକୁ ତଦନ୍ତ କରାଯାଉଛି ବୋଲି କହିଛନ୍ତି ଅତିରିକ୍ତ ଏସପି ।