ଦଶପଲ୍ଲା : ନୟାଗଡ ଜିଲ୍ଲା ଦଶପଲ୍ଲା ବ୍ଲକ ବାଣିଗୋଛା ନେତାଜୀ ସୁବାଷ ବୋଷ ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଜି ବିଦାୟ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ପରିପ୍ରେକ୍ଷୀରେ ପ୍ରଥମବର୍ଷର ଛାତ୍ରଛାତ୍ରୀ ମାନେ +୨ ଦ୍ୱିତୀୟ ବର୍ଷର ଭାଇଭଉଣୀମାନଙ୍କୁ ଖୁବ୍ ଖୁସି ଓ ସମ୍ମାନର ସହ ବିଦାୟ ଦେବା ସହିତ କିଛି କିଛି ଉପହାର ମଧ୍ୟ ଦେଇଥିଲେ । ସର୍ବପ୍ରଥମେ ମୁଖ୍ୟ ଅତିଥି ବିଏସ କଲେଜର ଦଶପଲ୍ଲାର ଅଧ୍ୟକ୍ଷ ସୁବାଷ ଚନ୍ଦ୍ର ନାୟକ, ଭାଇସ ପ୍ରନ୍ସିପାଲ ନିହାର ରଂଜନ ପଣ୍ଡା, ସମ୍ମାନୀତ ଅତିଥିଭାବେ ବୁଗୁଡା କଲେଜର ପୂର୍ବତନ ପ୍ରିନ୍ସିପାଲ୍ ସୁରେଶ ମହାପାତ୍ର, ପୁର୍ବତନ ବିଧାୟକ ପୂର୍ଣ୍ଣ ଚନ୍ଦ୍ର ନାୟକ, ଏନଏସବି କଲେଜର ସଭନେତ୍ରୀ ଶ୍ରୀମତି ରତ୍ନମାଳା ନାୟକ, ପୂର୍ବତନ ବ୍ଲକ ଅଧ୍ୟକ୍ଷ ଟି ଅଭିଦୋରା, କଲେଜର କୋଷାଧ୍ୟକ୍ଷ କୁନା ବେହେରା, ଅଚ୍ୟୁତାନନ୍ଦ ମିଶ୍ର, ଏବଂ କଲେଜର ଅଧ୍ୟକ୍ଷ ସତିଶ୍ ଚନ୍ଦ୍ର ଦିକ୍ଷୀତ ସଭା ପରିଚାଳନା କରିଥିଲେ । ଆଦ୍ୟ ପର୍ବରେ ଅତିଥିମାନେ ଜଗତରନାଥ ଜଗନ୍ନାଥଙ୍କ ଫଟୋରେ ଧୂପଦୀପ ଦେଇଥିବାବେଳେ ଛାତ୍ରଛାତ୍ରୀମାନେ ବିଦାୟକାଳୀନ ସଂଗୀତ ଗାନ କରିଥିଲେ । ତତ୍ ପରେ ଦ୍ୱିତୀୟ ବର୍ଷର ଛାତ୍ରଛାତ୍ରୀମାନେ ସାନ ଭାଇଭଉଣୀ ମାନଙ୍କୁ ଭଲ ମଣିଷ ହେବାପାଇଁ ପରାମର୍ଶ ଦେଇଥିଲେ । ବିଦାୟ ସମୟରେ ଛାତ୍ରଛାତ୍ରୀ ମାନଙ୍କ ଆଖି ଛଲଛଳ ହୋଇ ଉଠିଥିଲା । ଏଥିରେ କଲେଜର ସମସ୍ତ ଅଧ୍ୟାପକ ଅଧ୍ୟାପିକା ଏବଂ ସହକର୍ମୀ ଗଣ ଉପସ୍ଥିତ ଥିଲେ ।