ଘୁ ଉଦୟଗିରି: ସ୍ଥାନୀୟ ବ୍ଲକ ଅନ୍ତର୍ଗତ ଲିଙ୍ଗାଗଡ ପଞ୍ଚାୟତ ଶ୍ରୀକଲା ଠାରେ ଫିଲ୍ମ ସୁଟିଂ ପାଇଁ ଆସିଥିବା ଅଭିନେତା ଅଭିନେତ୍ରୀଙ୍କ ଏକ କାର ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ପ୍ରାପ୍ତ ସୂଚନା ସ୍ଥାନୀୟ ପରିଷଦ ଅନ୍ତର୍ଗତ ୪ ନମ୍ୱର୍ ୱାର୍ଡ ସମନ୍ୱିତ ଠାରେ ବିଗତ କିଛି ଦିନ ହେବ ରହି “ଅଦୃଶ୍ୟ’ଫିଲ୍ମ ସୁଟିଂ କରୁଥିଲେ ।ସେହିପରି ଗତକାଲି କୌଣସି ଏକ ଅଞ୍ଚଳରେ ସୁଟିଂ ସାରି ଫେରୁଥିବାବେଳେ ସକାଳେ ଶ୍ରୀକଲା ଘାଟିରେ କାର ଭାରସାମ୍ୟ ହରାଇ ଦୁର୍ଘଟଣା ଶିକାର ହୋଇଛନ୍ତି । କାର ମଧ୍ୟରେ ଅଭିନେତା ଅଭିଷେକ ଗିରି ୩୨ (ବାଲେଶ୍ୱର), ସହଯୋଗୀ ସୁନିଲ ପଟ୍ଟନାୟକ ୨୮(ଭୁବନେଶ୍ୱର୍)ଓ ଅଭିନେତ୍ରୀ ସାୟାଲ ମୁଖାର୍ଜୀ ୨୦ (ପଟିଆ ଭୁବନେଶ୍ୱର୍) ବୋଲି ଜଣାପଡିଛି ।ସେମାନେ ଗୋଟିଏ ହୁଣ୍ଡାଇ ଆଇ ୨୦ ଓଡି ୦୨ ବିପି ୯୮୫୯ କାର ଦ୍ୱାରା ସମନ୍ୱିତ ଫେରୁଥିବା ବେଳେ କୁହୁଡି ପାଇଁ ଭାରସାମ୍ୟ ହରାଇ ଦୁର୍ଘଟଣା ଶିକାର ହୋଇଥିଲେ ବୋଲି ସୂଚନା ରହିଛି ଓ ସେମାନେ ସାମାନ୍ୟ ଆହତ ହୋଇଛନ୍ତି । ସେମାନଙ୍କୁ ତୁରନ୍ତ ସ୍ଥାନୀୟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ନିଆଯାଇଥିଲା ଓ ସେଠାରେ ପ୍ରାଥମିକ ଚିକିତ୍ସା କରାଯାଇଥିବା ଡାକ୍ତର ସୂଚନା ଦେଇଛନ୍ତି ।ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି କାର ଜବତ କରି ଥାନାକୁ ଆଣି ଏକ ମାମଲା ରୁଜ୍ଜୁ କରି ଅଧିକ ତଦନ୍ତ କରୁଥିବା ସୂଚନା ରହିଛି ।