ଖପ୍ରାଖୋଲ : ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଲକ ଅନ୍ତର୍ଗତ ମହୁରୁଣ୍ଡି ଗଣେଶ ପୂଜା କମିଟି ଆନୁକୂଲ୍ୟରେ ‘ନୂଆଁଖାଇ ଭେଟ୍ଘାଟ୍’ ମହାସମାରୋହରେ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଭାପତି ପାଥର , ସାମ୍ବାଦିକ ନରେନ୍ଦ୍ର ଭୋଇ , ଯୁବ ସାମ୍ବାଦିକ ରୁପେନ୍ଦ୍ର ମୁଣ୍ଡା , ଛାୟାକାନ୍ତ ଭୋଇ , ଏସ.ପି ନାୟକ ଓ ରଙ୍ଗାରଙ୍ଗ କାର୍ଯ୍ୟକ୍ରମ ଅତିଥି ହୃଷିକେଶ ବେହେରା, ସମର୍ଦ୍ଧନା ସମାରୋହ ଅତିଥି ଅଭିଳାଷ ଭୋଇଙ୍କୁ ପୁଷ୍ପଗୁଚ୍ଛ ଦେଇ ସମ୍ମାନିତ କରାଯାଇଥିଲା ।
ଗାଁର ଛାତ୍ରଛାତ୍ରୀଙ୍କୁ ପ୍ରାଇଜ ମଧ୍ୟ ପ୍ରଦାନ କରାଯାଇଥିଲା । ବରିଷ୍ଠ ଅତିଥି ଜିଲ୍ଲା ପରିଷଦ ସଭାପତି ପାଥର, ସାମ୍ବାଦିକ ନରେନ୍ଦ୍ର ଭୋଇ , ଏସ.ପି ନାୟକ ପ୍ରମୁଖ ଯୋଗଦେଇ ‘ଗ୍ରାମାଞ୍ଚଳରେ ନୂଆଁଖାଇ’ ଉପରେ ନିଜ ନିଜ ବକ୍ତବ୍ୟ ଦେଇଥିଲେ । ପରିଶେଷରେ ମହୁରୁଣ୍ଡି ଗଣେଶ ପୂଜା କମିଟି ସଦସ୍ୟ ଓ ଅନ୍ୟାନ୍ୟଙ୍କ ଦ୍ୱାରା ଆଧାରିତ ଡାନ୍ସ ରେ ଜନସାଧାରଣରେ ହୃଦୟସ୍ପର୍ଶୀ ହୋଇଥିଲା । ଶେଷରେ ଜଳନ୍ଧର ଲୁହା ଧନ୍ୟବାଦ ଅର୍ପଣ କରିଥିଲେ ।