ଘୁ.ଉଦୟଗିରି:- ଆଜି ସକାଳ ପ୍ରାୟ ୧୦ ଘଣ୍ଟିକା ସମୟରେ ସ୍ଥାନୀୟ ବ୍ଲକ ଅନ୍ତର୍ଗତ କଳିଙ୍ଗା ଗ୍ରାମର ଅମୂଲ୍ୟ ପ୍ରଧାନ ନାମକ ଯୁବକଙ୍କ ମୃତ ଶରୀର କଳିଙ୍ଗା ଘାଟି ଅନ୍ଧାରିକୁଟି ନିକଟରେ ପଡ଼ିଥିବା ଦେଖିବାକୁ ମିଳିଛି । ସୂଚନା ଅନୁସାରେ ମୃତ ଯୁବକଙ୍କ ନାମ ଅମୂଲ୍ୟ ପ୍ରଧାନ ବୟସ ପ୍ରାୟ ୩୫ ପିତା ରଞ୍ଜିତ ପ୍ରଧାନ, ବଙ୍ଗଳା ସାହି, କଳିଙ୍ଗା । ଗତ ରାତିରେ ଖାଇବା ପିଇବା ସାରି ଶୋଇଥିଲେ ଆଜି ସକାଳୁ ନିତ୍ୟକର୍ମ ସାରିବା ପାଇଁ ଅନ୍ଧାରିକୁଟି ନିକଟ ଝରଣା ନିକଟକୁ ଯାଇଥିଲେ କିନ୍ତୁ କୌଣସି ଏକ ଅଜଣା ଗାଡ଼ି ଧକ୍କାରେ ମୃତ୍ୟୁବରଣ କରିଥିବା ଖବର ମିଳିବା ପରେ ପରିବାର ଲୋକେ ଘଟଣା ସ୍ଥଳକୁ ଯାଇ ଦେଖିଥିଲେ ଓ ପୋଲିସ ଥାନାକୁ ଖବର ଦେଇଥିଲେ । ଖବର ପାଇ ଘୁ.ଉଦୟଗିରି ପୋଲିସ ଆଇଆଇସି ଅଜୟ କୁମାର ସ୍ୱାଇଁ ଓ ଏଏସଆଇ ବିନୟ କୁମାର ମହାରଣା ଘଟଣା ସ୍ଥଳରେ ପହଞ୍ଚି ମୃତ ଶରୀରକୁ ଜବତ ସହ କେସ ନମ୍ବର ୧୪୦/୨୨ ରୁଜ୍ଜୁ କରି ଶବ ବ୍ୟବଚ୍ଛେଦ ନିମନ୍ତେ ପଠେଇବା ସହ ତଦନ୍ତ ଅଧିକାରୀ ଏଏସ ଆଇ ବିନୟ କୁମାର ମହାରଣା ଦୁର୍ଘଟଣାର ତଦନ୍ତ କରୁଥିବା ସୂଚନା ମିଳିଛି ।