ଘୁ ଉଦୟଗିରି:ସାରା ରାଜ୍ୟରେ ଶନିବାର ଦିନ ସକାଳୁଆ ସ୍କୁଲ ଚାଲିଥିବା ବେଳେ କନ୍ଧମାଳ ଜିଲ୍ଲାରେ ଏହାର ବ୍ୟତିକ୍ରମ ଦେଖାଦେଇଥିଲା । ସକାଳୁଆ ସ୍କୁଲ ବଦଳରେ ଦିନସାରା ବିଦ୍ୟାଳୟ ଚାଲିଥିବା ବେଳେ ଏହି ଖବର ବିଭିନ୍ନ ଗଣମାଧ୍ୟମରେ ପ୍ରକାଶ ପାଇବା ପରେ ଜିଲ୍ଲା ଶିକ୍ଷାଅଧିକାରୀ ପ୍ରମୋଦ କୁମାର ଷଡଙ୍ଗୀ ଚିଠି ନଂ ୬୨୭୭,ତା୨୬/୭ରେ କନ୍ଧମାଳ ଜିଲ୍ଲାରେ ଶନିବାର ଦିନ ସକାଳୁଆ ସ୍କୁଲ ଖୋଲିବା ନିମନ୍ତେ ନିର୍ଦ୍ଦେର୍ଶ ନାମା ଜାରି କରିଥିଲେ । ନିର୍ଦ୍ଦେଶ କ୍ରମେ ସକାଳ ୬-୩୦ ରୁ ୧୨-୩୦ ପର୍ଯ୍ୟନ୍ତ ବିଦ୍ୟାଳୟ ଖୋଲିବା ନିମନ୍ତେ ନିର୍ଦ୍ଦେଶ ଥିଲା । କିନ୍ତୁ ଏହି ସମୟକୁ ନେଇ ସବୁ ମହଲରେ ଅସନ୍ତୋଷ ଜାରି ରହିବା ସହ ଜିଲ୍ଲା ଶିକ୍ଷକ ସଂଘ ପକ୍ଷରୁ ଜିଲ୍ଲା ଶିକ୍ଷାଧିକାରୀଙ୍କ ଠାରେ ଏହି ସମୟ ପରିବର୍ତ୍ତନ ନିମନ୍ତେ ଦାବି ହେବା ସହ ଏହି ଖବର ଗଣମାଧ୍ୟମରେ ପ୍ରକାଶ ପାଇବା ପରେ ଜିଲ୍ଲା ଶିକ୍ଷାଅଧିକାରୀ ପ୍ରମୋଦ କୁମାର ଷଡଙ୍ଗୀ ଶନିବାର ଦିନ ସକାଳୁଆ ସ୍କୁଲ ସମୟରେ ପରିବର୍ତ୍ତନ କରିଥିବା ନେଇ ଚିଠି ନଂ ୬୯୪୯ ତା ୩/୮ରେ ଲିଖିତ ନିର୍ଦ୍ଦେଶ ନାମା ଜାରି କରି ସମସ୍ତ ବିଇଓ ଙ୍କୁ ଅବଗତ କରେଇଛନ୍ତି ।ଆସନ୍ତା ୬ତାରିଖ ଠାରୁ ଜିଲ୍ଲାର ସମସ୍ତ ବିଦ୍ୟାଳୟ ସକାଳ୬-୩୦ ରୁ ୧୧-୪୫ପର୍ଯ୍ୟନ୍ତ ଖୋଲିବା ନେଇ ଉଲ୍ଲେଖ କରାଯାଇଛି ।