ଫୁଲବାଣୀ: ଆକାନଖା ଜିଲ୍ଲା ଅନ୍ତର୍ଗତ ଯୋଜନା ମାଧ୍ୟମରେ ଦୁଇଦିନିଆ ଜିଲ୍ଲାସ୍ତରୀୟ ଗୋପାଳ ଦକ୍ଷତା ତାଲିମ୍ ଶିବିର ଏସବିଆଇ ଆରସେଟି ଫୁଲବାଣୀ ଠାରେ ଅନୁଷ୍ଠିତ ହୋଇଯାଇଅଛି । ଆର୍ସେଟି ନିର୍ଦ୍ଦେଶକ ଚନ୍ଦ୍ର ଶେଖର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ଡଃ ଅଶୋକ କୁମାର ତ୍ରିପାଠୀଙ୍କ ସଭାପତିତ୍ୱରେ କାର୍ଯ୍ୟକ୍ରମ ସମାପନ ହୋଇଥିଲା । ଉପନିର୍ଦ୍ଦେଶକ ଡଃ ମନୋଜ କୁମାର ସାହୁ, ଅତିରିକ୍ତ ଜିଲ୍ଲା ଚିକିତ୍ସାଧିକାରୀ ରୋଗ ନିୟନ୍ତ୍ରଣ ଡଃ ସନ୍ତୋଷ କୁମାର ପଟ୍ଟନାୟକ, ଅତିରିକ୍ତ ଜିଲ୍ଲା ଚିକିତ୍ସାଧିକାରୀ ପ୍ରାଣୀ ମଙ୍ଗଳ ଡଃ ଦିଗବିଜୟ ଗିରି, ଅତିରିକ୍ତ ଜିଲ୍ଲା ଚିକିତ୍ସାଧିକାରୀ ଉତ୍ପାଦନ ଡଃ ରଞ୍ଜନ କୁମାର ସାହୁ ଆଦି ମାନବ ସମ୍ବଳ ଭାବେ ଚାଷୀ ଭାଇମାନଙ୍କୁ ପଥ ପ୍ରଦର୍ଶନ କରିଥିଲେ । ଡଃ ଅଳକା ପଟ୍ଟନାୟକ ଜିଲ୍ଲା ପ୍ରଶିକ୍ଷଣ ସଂଯୋଜିକା କାର୍ଯ୍ୟକ୍ରମକୁ ପରିଚାଳନା କରିଥିଲେ । ଚାଷୀମାନଙ୍କର ଏକସପୋଜର ଭିଜିଟ ୭.୯.୨୯୨୨ରେ ଚିପିଲିମା ଠାରେ ଅନୁଷ୍ଠିତ ହେବାର ବ୍ୟବସ୍ଥା ରହିଛି । ବାଲିଗୁଡ଼ା ଗୋପାଳକ ଚାଷୀଙ୍କୁ ଏହି ପ୍ରଶିକ୍ଷଣ ଦିଆଯାଇଛି ।