ଦଶପଲ୍ଲା : ୭ ଦଫା ଦାବି ନେଇ ବୁଧବାର ଦିନ ମହିଳା ଜୀବିକା ସୁରକ୍ଷା ମଞ୍ଚ ପକ୍ଷରୁ ଏକ ଦାବିପତ୍ର ବିଡ଼ିଓଙ୍କୁ ପ୍ରଦାନ କରାଯାଇଛି । ମହିଳା ଜୀବିକା ସୁରକ୍ଷା ମଂଚର ସଂଯୋଜକ କୁନାକାନ୍ତ ନାଏକଙ୍କ ନେତୃତ୍ୱରେ ମହିଳା ଜୀବିକା ସୁରକ୍ଷା ମଂଚ ର ସଦସ୍ୟ ମାନେ ଦଶପଲ୍ଲା ବ୍ଲକ ପରିସରରେ ପହଞ୍ଚି ଏହି ଦାବିପତ୍ର ପ୍ରଦାନ କରିଛନ୍ତି । ଏହି ଦାବି ମଧ୍ୟରେ ଦଶପଲ୍ଲା ବ୍ଲକ ମଧ୍ୟରେ ଅର୍ଦ୍ଧନିର୍ମିତ ଅବସ୍ଥାରେ ଥିବା ଅଙ୍ଗନୱାଡ଼ି ଘର ଗୁଡ଼ିକ ସମ୍ପୂର୍ଣ୍ଣ କରିବା, ସମସ୍ତ ଗ୍ରାମକୁ କଂକ୍ରିଟ ରାସ୍ତା ଓ ରାସ୍ତା ଗୁଡ଼ିକର ମରାମତି, ବର୍ଷା ଦିନ ପୂର୍ବରୁ ଗ୍ରାମାଞ୍ଚଳରେ ଥିବା ଡ୍ରେନ୍ ଗୁଡ଼ିକୁ ସଫେଇ କରିବା, ନଳକୂପ ଓ ପଥର କୂପ୍ ଗୁଡ଼ିକ ମରାମତି କରିବା ଆଦି ରହିଛି । ବିଡ଼ିଓଙ୍କ ଅନୁପସ୍ଥିତିରେ ବ୍ଲକର ମୁଖ୍ୟ କିରାଣୀ ଅକ୍ରୁର କୁମାର ଜାନୀଙ୍କୁ ଏହି ଦାବିପତ୍ର ପ୍ରଦାନ କରାଯାଇଛି ।