ହରଭଙ୍ଗା:ଟ୍ରକ ଓ ଆଇଚର ମଧ୍ୟରେ ମୁହାଁମୁହିଁ ଧକ୍କା, ଆଇଚର ଡ୍ରାଇଭର ଗୁରୁତର । ସୂଚନା ମତେ ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ୫୭ ନମ୍ବର ଜାତୀୟ ରାଜପଥ ଚାରିଛକ ଶିବମନ୍ଦିର ପାଖରେ ଏକ ଟ୍ରକ ଓ ଆଇଚର ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଫଳରେ ଆଇଚର ଡ୍ରାଇଭରକୁ ଗୁରୁତର ଅବସ୍ଥାରେ ଉଦ୍ଧାର କରି ନିକଟସ୍ଥ ପୁରୁଣାକଟକ ଡାକ୍ତରଖାନାରେ ଭର୍ତ୍ତି କରାଯାଇଛି । ଟ୍ରକଟି ବରଗଡରୁ ସିମେଣ୍ଟ ବୋଝେଇ କରି ନୟାଗଡ ଅଭିମୁଖେ ଯାଉଥିଲା ।ଚକୋଲେଟ ବୋଝେଇ ଏକ ଆଇଚର ବିପରୀତ ଦିଗରୁ ଆସୁଥିଲା ଓ ଭାରସାମ୍ୟ ହରାଇ ଟ୍ରକକୁ ସାମ୍ନା ପଟୁ ଧକ୍କା ଦେଇଥିଲା, ଫଳରେ ଟ୍ରକ ଡ୍ରାଇଭର ଆହତ ହୋଇଥିଲେ । ଆହତକୁ ପୁରୁଣାକଟକ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଘଟଣା ସ୍ଥଳରେ ପୁରୁଣାକଟକ ପୋଲିସ ପହଞ୍ଚି ଅଧିକ ତଦନ୍ତ କରୁଥିବା ବିଶେଷ ସୂତ୍ରରୁ ପ୍ରକାଶ ।