ଫୁଲବାଣୀ :- କିଟ୍ ଓ କିସ୍ ଅନୁଷ୍ଠାନର ରୌପ୍ୟ ଜୟନ୍ତୀ ଅବସରରେ ଫୁଲବାଣୀଠାରେ ଆଜି ସକାଳୁ ବିଭିନ୍ନ ସ୍କୁଲ ପିଲାଙ୍କୁ ନେଇ ମିନି ମାରାଥନର ଆୟୋଜନ କରାଯାଇଥିଲା । କନ୍ଧମାଳ ଏସପି ଶୁଭେନ୍ଦୁ ପାତ୍ର, ମୁଖ୍ୟ ଜିଲ୍ଲା ଅଧିକାରୀ ତଥା ନିର୍ବାହୀ ଅଧିକାରୀ ଜ଼ିଲ୍ଲା ପରିଷଦ ବିଶ୍ୱରଂଜନ ନାୟକ ଓ ଜିଲ୍ଲା ଖେଳ ଅଧିକାରୀ ବିପିନ ନାୟକ ପତାକା ଦେଖାଇ ମାରାଥନର ଶୁଭାରମ୍ଭ କରିଥିଲେ । ଛାତ୍ରଛାତ୍ରୀ ମାନେ କନ୍ଧମାଳ ଷ୍ଟାଡିଅମରୁ ମିନି ମାରାଥନରେ ବାହାରି ଏଫସିଆଇ ଛକ, ଗାନ୍ଧୀ ଛକ ଦେଇ କରନେସନ ପଡିଆରେ ପହଞ୍ଚିଥିଲେ । ସେଠାରେ ‘ସମସ୍ତଙ୍କ ପାଇଁ ଶିକ୍ଷା’ ଶୀର୍ଷକ ବୈଠକରେ ଯୋଗଦେଇ ଥିଲେ । ସେଠାରେ କନ୍ଧମାଳ ଜିଲ୍ଲା ଶିକ୍ଷା ଅଧିକାରୀ ପ୍ରମୋଦ ଷଡ଼ଙ୍ଗୀ, ମୁଖ୍ୟ ଅତିଥି ଓ ଜିଲ୍ଲା କ୍ରୀଡା ସଂଘ ସମ୍ପାଦକ ଶିବ ପ୍ରସାଦ ତ୍ରିପାଠୀ ଓ ପ୍ରେସ କ୍ଲବ ସଭାପତି ସୁନୀଲ ପଟ୍ଟନାୟକ ଯୋଗଦେଇ ଥିଲେ । କିଟ୍ ଓ କିସ୍ର କନ୍ଧମାଳ ଜିଲ୍ଲା ଆସିଷ୍ଟାଣ୍ଟ ସିଇଓ ଭାଗିରଥି ସେଠି ପ୍ରାରମ୍ଭିକ ଭାଷଣ ଦେଇ ଆଜିର କାର୍ଯ୍ୟକ୍ରମ ବିଷୟରେ ଅବଗତ କରାଇଥିଲେ ।