ହରଭଙ୍ଗା : ସଂଘ ପାଇଁ ଉଲ୍ଲେଖନୀୟ କାର୍ଯ୍ୟ କରିଥିବା ନେଇ ରାଜ୍ୟ ସ୍ତରରେ ସାମ୍ବାଦିକ ବିଭୁଦତ୍ତ ବୋଷଙ୍କୁ “ସଂଘ ସେବାଶ୍ରୀ ସମ୍ମାନ’ରେ ଆଜି ବିଶ୍ୱ ପ୍ରେସ ସ୍ୱାଧୀନତା ଦିବସ ଅବସରରେ ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ଓଡିଶା ଜର୍ଣ୍ଣାଲିଷ୍ଟ ୟୁନିୟନ(ଓଜେୟୁ) ଦ୍ୱାରା ଅୟୋଜିତ ହୋଇଥିବା ରାଜ୍ୟ ସାଧାରଣ ପରିଷଦ ସଭା କାର୍ଯ୍ୟକ୍ରମରେ ବୌଦ୍ଧ ଜିଲ୍ଲା ଶାଖାର ସାମ୍ବାଦିକ ତଥା ସଂଘର ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୁଦତ୍ତ ବୋଷଙ୍କୁ ମାନ୍ୟବର ପୂର୍ବତନ ମନ୍ତ୍ରୀ ତଥା ସାଂସଦ ପ୍ରସନ୍ନ ପାଠଶାଣୀଙ୍କ ସହ ଜଟଣୀ ବିଧାୟକ ସୁରେଶ ରାଉତରାୟଙ୍କ ସମେତ ମଞ୍ଚାସିନ ଅତିଥି ମାନଙ୍କ ଦ୍ୱାରା “ସଂଘ ସେବାଶ୍ରୀ ସମ୍ମାନ’ରେ ସମ୍ମାନିତ କରାଯାଇଥିଲା । ଏହି ସମ୍ମାନ ପାଇ ସେ ରାଜ୍ୟ ଓ ଜିଲ୍ଲା ପାଇଁ ଗୌରବ ଆଣି ପାରିଛନ୍ତି । ତାଙ୍କର କୃତିତ୍ୱ ପାଇଁ ବୌଦ୍ଧ ଜିଲ୍ଲାର ସାମ୍ବାଦିକ ମହଲରେ ଖୁସିର ଲହରୀ ଖେଳିଯାଇଛି । ଏପରିକି ଶ୍ରୀ ବୋଷଙ୍କୁ ତାଙ୍କର ଶୁଭେଚ୍ଛୁ ମାନେ ଶୁଭେଚ୍ଛା ବାର୍ତ୍ତା ଦେଇଥିବା ଜଣାପଡିଛି ।