ପୁରୀ : ତାଳବଣିଆ ଥାନା ଅନ୍ତର୍ଗତ ପିକେଆରଆଇଟି ଚିଲଡ୍ରେନ ପାର୍କ ନିକଟରୁ ୨ଜଣ ବ୍ରାଉନ ସୁଗାର ବେପରିଙ୍କୁ ପୁଲିସ ଗିରଫ କରିଛି । ଅଭିଯୁକ୍ତଙ୍କ ଠାରୁ ୮୦ଗ୍ରାମ ବ୍ରାଉନସୁଗାର ଜବତ କରାଯାଇଛି । ଜବତ ବ୍ରାଉନସୁଗାରର ମୂଲ୍ୟ ୮ଲକ୍ଷ ଟଙ୍କା ହେବ । ତତ ସହିତ ୨ଟି ମୋବାଇଲ ଫୋନ ଓ ୧୦୦୦ଟଙ୍କା ତାଳବଣିଆ ପୁଲିସ ଜବତ କରିଥିବା ଏକ ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସପି ମିହିର ପଣ୍ଡା ସୂଚନା ଦେଇଛନ୍ତି । ଅଭିଯୁକ୍ତ ଦ୍ୱୟ ହେଲେ କାଳୁ ପଟ୍ଟନାୟକ (ପୋଡା ମୋବିଲ)ବୟସ ୩୩ ଓ ତାଙ୍କ ସ୍ତ୍ରୀ ରୋଜାଲିନ ପଟ୍ଟନାୟକ (୨୫) । ଅଭିଯୁକ୍ତଙ୍କ ବିରୋଧରେ ପୁଲିସ ୨୧ବି/୨୯ ଏନଡିପିଏସ ଦଫାରେ ମକଦମା ରୁଜୁ କରି କୋର୍ଟ ଚାଲାଣ କରିଛି । ସମ୍ମିଳନୀରେ ଡିଏସପି କେ କେ ହରିପ୍ରସାଦ, ତଳବଣିଆ ଥାନା ଅଧିକାରୀ ସୁଜାତା ବେହେରା ଉପସ୍ଥିତ ଥିଲେ ।