ଘୁ ଉଦୟଗିରୀ: ବିଜ୍ଞାପିତ ଅଞ୍ଚଳ ପରିଷଦର ୬ ନଂ ୱାର୍ଡ଼ କାଉନସିଲର ସ୍ୱର୍ଗତ ବୁଲିଆନ ନାୟକଙ୍କ ଅକାଳ ବିୟୋଗ ପରେ ଖାଲି ପଡ଼ିଥିବା କାଉନସିଲର ଆସନ ନିମନ୍ତେ ଆସନ୍ତା ମାସ ୧୨ ତାରିଖରେ ଉପନିର୍ବାଚନ ପାଇଁ ଭୋଟ ଗ୍ରହଣ ହେବା ନେଇ ରାଜ୍ୟ ନିର୍ବାଚନ କମିଶନଙ୍କ ଘୋଷଣା ପରେ ଆଜି ୨ ଜଣ ଆଶାୟୀ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ସୂଚନା ମିଳିଛି । ସେଥିମଧ୍ୟରୁ ଜଣେ ମହିଳା ଆଶାୟୀ ପ୍ରାର୍ଥୀନୀ ଶ୍ରୀମତୀ ସୁଜତା ନାୟକ ବିଜେପି ଦଳ ପକ୍ଷରୁ ଓ ଅନ୍ୟ ଜଣେ ସ୍ୱାଧୀନ ପ୍ରାର୍ଥୀ ରାଖେଲ ନାୟକ ସ୍ଥାନୀୟ ଏନଏ ସି କାର୍ଯ୍ୟାଳୟ ଠାରେ ନିର୍ବାଚନ ଅଧିକାରୀ ଶୁଭ୍ରାଂଜଳି ପ୍ରଧାନଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଥିବା ସୂଚନା ମିଳିଛି । ପ୍ରାପ୍ତ ସୂଚନା ଅନୁସାରେ ଉକ୍ତ ୱାର୍ଡ଼ରେ ସମୁଦାୟ ୧୯୮ ଭୋଟର ଥିବା ବେଳେ ଆଜି ସୁଦ୍ଧା ୫ ଜଣ ନାମାଙ୍କନ ପତ୍ର କିଣିଥିବା ସୂଚନା ମିଳିଛି । ୨୮ ତାରିଖ ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ ସମୟ ରହିଛି ।