କୋଦଳା – ଗଞ୍ଜାମ ଜିଲ୍ଲା କୋଦଳା ନିକଟସ୍ଥ ଚର୍ଚ୍ଚି ମାର୍କେଟରେ ଥିବା ଜିଓ ଡିଷ୍ଟବୁଟର କାର୍ଯ୍ୟାଳୟରେ ଆଜି ଭୋରରୁ ନିଆଁ ଲାଗି ପ୍ରାୟ ୩ ଲକ୍ଷରୁ ଉଦ୍ଧ୍ୱର୍ ଟଙ୍କାର ସାମଗ୍ରୀ ପୋଡି ନଷ୍ଟ ହୋଇଯାଇଛି । ଘଟଣା ସ୍ଥଳରେ କୋଦଳା ଦମକଳ ବାହିନୀ ପହଂଚି ନିଁଆଁକୁ ଆୟତ୍ତ କଲା ବେଳକୁ ସମସ୍ତ ସାମଗ୍ରୀ ପୋଡି ପାଉଁଶ ହୋଇଯାଇଛି ।
ଜିଓ ଡିଷ୍ଟବୁଟର ମାଲିକ ସୁଶାନ୍ତ କୁମାର ସ୍ୱାଇଁ ଓ ତାଙ୍କ ସ୍ତ୍ରୀ ମେଡିକାଲ କାମରେ ଭୁବେନେଶ୍ୱର ଯାଇଥିଲେ । ସେ ବିଳମ୍ବିତ ରାତିରେ ଆସି କୋଦଳାରେ ଥିବା ନିଜ ଦୋକାନରେ ସୋଇଥିଲେ । ସେହି ଦୋକାନରେ ନିଜ ଇଲେକ୍ଟ୍ରି ବାଇକଟିକୁ ରଖିଥିଲେ । ଭୋରରୁ ଦେଖିଲା ବେଳକୁ ଗାଡିଟିରୁ ଧୂଆଁ ବାହାରୁଥିଲା, ସଙ୍ଗେ ସଙ୍ଗେ କୋଦଳା ଦମକଳ ବାହିନୀକୁ ଖବର ଦେଇଥିଲେ । ଦମକଳ ବାହିନୀ ଘଟଣା ସ୍ଥଳରେ ପହଂଚି ନିଆଁକୁ ଆୟତ୍ତ କଲାବେଳକୁ ଦୋକାନରେ ଥିବା ସମସ୍ତ ସାମଗ୍ରୀ ପୋଡି ପାଉଁଶ ହୋଇଯାଇଛି ।