ସମ୍ବଲପୁର: ସମ୍ବଲପୁରର ସାରସ୍ୱତ କଲୋନୀରେ ଥିବା ଶ୍ରୀ ସତ୍ୟ ସାଇ ଦତ୍ତାତ୍ରେୟ ମନ୍ଦିରର ବାର୍ଷିକ ଉତ୍ସବ ଅବସରରେ ତିନିଦିନିଆ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ସାରସ୍ୱତ କଲୋନୀରେ ସତ୍ୟ ସାଇ ଦତ୍ତାତ୍ରେୟ ମନ୍ଦିର ବାର୍ଷିକ ଉତ୍ସବ ଅବସରରେ ଶୁକ୍ରବାର ଶ୍ରମଦାନ, ଶନିବାର ଦେବ ପୂଜନ କାର୍ଯ୍ୟକ୍ରମ ରହିଥିବା ବେଳେ ରବିବାର ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ରେଡକ୍ରସ ସମ୍ବଲପୁର ସହଯୋଗରେ ଅନୁଷ୍ଠିତ ରକ୍ତଦାନ ଶିବିରରେ ମୋଟ ୬୮ ୟୁନିଟ ରକ୍ତଦାନ ହୋଇଥିଲା । ବାର୍ଷିକ ଉତ୍ସବ ଅବସରରେ ବାଲ ବିକାଶ କାର୍ଯ୍ୟକ୍ରମରେ ସାମିଲ ଥିବା ଛାତ୍ରଛାତ୍ରୀ ମାନଙ୍କୁ ବସ୍ତ୍ର ପ୍ରଦାନ କରାଯିବା ସହ ଦେବପୂଜନ କରାଯାଇଥିଲା । ଏହି ଅବସରରେ ବାଲ ବିକାଶ କାର୍ଯ୍ୟକ୍ରମର ଛାତ୍ରଛାତ୍ରୀ ମାନେ ବେଦ ପାଠ କରିଥିଲେ । ଚାରଭାଟି ନିକଟ ସାରସ୍ୱତ କଲୋନୀ ବାସିନ୍ଦା, ସତ୍ୟ ସାଇ ଦତ୍ତାତ୍ରେୟ ମନ୍ଦିରର କର୍ମକର୍ତ୍ତା ଏବଂ ସତ୍ୟସାଇ ସେବା ସମିତିର କର୍ମକର୍ତ୍ତା ମାନେ ସହଯୋଗ କରିଥିଲେ ।