ଚମ୍ପୁଆ: ଚମ୍ପୁଆ ବନାଂଚଳ ଅଧିନସ୍ଥ ଜାମୁଦଲକ ଠାରେ ଏକ ଗୋଦାମ ଘରୁ ଗୃହ କର୍ତ୍ତା ସାତ ଫୁଟ ନାଗ ସାପକୁ ଉଦ୍ଧାର କରି ଜଙ୍ଗଲରେ ଛାଡିଥିବା ଜଣାଯାଇଛି । ସୂଚନା ଅନୁସାରେ ଆଜି ଦ୍ୱିପ୍ରହର ସମୟରେ ଗୃହ କର୍ତ୍ତା ଅମିର ହାସନ ନିଜ ଗୋଦାମ ଗୃହ ସଫା କରୁଥିବା ବେଳେ ହଠାତ ଶବ୍ଦ ଶୁଣିବାକୁ ପାଇଥିଲେ । ଖୋଜାଖୋଜି ପରେ ଏକ ପରିତ୍ୟକ୍ତ ଜାଲରେ ସାତ ଫୁଟର ନାଗ ସାପ ଗୋଡେଇ ହୋଇ ଯାଇଥିବା ଦେଖିବାକୁ ପାଇ ବନବିଭାଗକୁ ସୂଚନା ଦେଇଥିଲେ । ପରେ ଜାଲ କାଟି ଉକ୍ତ ଗହମିଆ ନାଗ ସାପକୁ ଉଦ୍ଧାର କରିବା ସହ ନିକଟସ୍ଥ କାଜୁ ଜଙ୍ଗଲରେ ଛଡାଯାଇଥିଲା । ଏହା ସାତ ଫୁଟ୍ ଲମ୍ବା ଥିବା ଜଣାଯାଇଛି ।