ଦଶପଲ୍ଲା : ଆଦିବାସୀ ଅଧ୍ୟୁଷିତ ଦଶପଲ୍ଲା ପଶ୍ଚିମାଞ୍ଚଳର ବିଭିନ୍ନ ଦୁରାରୋଗ୍ୟ ବ୍ୟାଧିରେ ପୀଡ଼ିତ ଜନସାଧାରଣଙ୍କୁ ସହାୟତାର ହାତ ବଢାଇଛନ୍ତି ଦଶପଲ୍ଲା ଅଂଚଳର ବିଶିଷ୍ଠ ସମାଜସେବୀ ଶ୍ରୀହରି ନାୟକ । ଶ୍ରୀ ନାୟକ ଅତୀତରେ ମଧ୍ୟ ଦଶପଲ୍ଲା ନିର୍ବାଚନ ମଣ୍ଡଳୀର ବିଭିନ୍ନ ଗ୍ରାମ ଗସ୍ତକରି ଗରିବ,ଅସହାୟ ଜନସାଧାରଣଙ୍କୁ ଯଥାସାଧ୍ୟ ସାହାଯ୍ୟ ସହଯୋଗ କରି ଆସିଛନ୍ତି । ପ୍ରକାଶ ଥାଉକି ଶ୍ରୀ ନାୟକ ଦଶପଲ୍ଲା ନିର୍ବାଚନ ମଣ୍ଡଳୀ ସମେତ ପାର୍ଶ୍ୱବର୍ତ୍ତୀ ବୌଦ୍ଧ , କନ୍ଧମାଳ ଜିଲ୍ଲାର ବିଭିନ୍ନ ଗ୍ରାମରେ ବହୁ ମଠ, ମନ୍ଦିର, ଭାଗବତ ଟୁଂଗୀ, ତୋରଣ, ମଣ୍ଡପ ପ୍ରଭୃତି ନିର୍ମାଣ କରି ସ୍ଥାନୀୟ ଜନସାଧାରଣଙ୍କର ଅତି ପ୍ରୀୟପାତ୍ର ହେବା ସହିତ ସାଧୁ ସନ୍ଥ ସମାଜ ତରଫରୁ ଧର୍ମରକ୍ଷକ ଦଂପତି ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ।