ରାୟଗଡା: “ଦି ଇଣ୍ଟରଭ୍ୟୁ ଟାଇମ୍ସ” ର ୧୨ ତମ ସ୍ୱନକ୍ଷତ୍ର ଦିବସ ଭୁବନେଶ୍ୱର ସ୍ଥିତ ହୋଟେଲ୍ ସ୍ୱସ୍ତି ପ୍ରିମିୟମ୍ ଠାରେ ଅନୁଷ୍ଠିତ ହୋଇଯାଇଛି । ଏହି ପରିପ୍ରେକ୍ଷୀରେରେ ଓଡ଼ିଶାର ୨୦ ଜଣ ପ୍ରେରଣା ଦାୟୀ ବ୍ୟକ୍ତିତ୍ୱଙ୍କୁ ସମ୍ମାନିତ କରାଯାଇ ପୁରସ୍କାର ପ୍ରଦାନ କରାଯାଇଛି । ଏହି ପରିପ୍ରେକ୍ଷୀରେ ଜେକେ କାଗଜ କଳର କାର୍ଯ୍ୟନିର୍ବାହୀ ଉପସଭାପତି (କାର୍ମିକ) ବିନୟ ଦ୍ୱିବେଦୀଙ୍କୁ ତାଙ୍କର ଦକ୍ଷ ପରିଚାଳକ ଭାବରେ ଜେକେ କାଗଜ କଳକୁ ଆନ୍ତର୍ଜାତୀୟ ସ୍ତରରେ ପ୍ରତିଷ୍ଠିତ କରିପାରିଛନ୍ତି । କର୍ମଚାରୀ ସୁରକ୍ଷା ଓ ମଙ୍ଗଳ ଭିତ୍ତିକ କାର୍ଯ୍ୟକ୍ରମକୁ ପ୍ରଧାନ୍ୟ ଦେଇ ଅତ୍ୟନ୍ତ ପ୍ରଶଂଶନୀୟ ହୋଇପାରିଛନ୍ତି । କାରଖାନାର ଉନ୍ନତି ସଙ୍ଗେସଙ୍ଗେ ପାରିପାର୍ଶ୍ୱିକ ଅଞ୍ଚଳର ଶିକ୍ଷା, ସ୍ୱାସ୍ଥ୍ୟ ଓ ଭିତ୍ତିଭୂମିର ଉନ୍ନତି ନିମନ୍ତେ ସଦା ତତ୍ପର । ତାଙ୍କର ଏହି ପ୍ରେରଣାଦାୟୀ ପଦକ୍ଷେପ ଯୋଗୁଁ ଚଳିତ ବର୍ଷ ପାଇଁ ବେଷ୍ଟ ସିଇଓ ଭାବେ “ଦି ଇଣ୍ଟରଭ୍ୟୁ ଟାଇମ୍ସ’ ର ୧୨ ତମ ସ୍ୱନକ୍ଷତ୍ର ଦିବସରେ ଶ୍ରୀମତି ଅନୁ ଗର୍ଗ, ଡେଭେଲପମେଣ୍ଟ କମିଶନର ଓ ଅତିରିକ୍ତ ମୁଖ୍ୟ ସଚିବ, ସମ୍ମାନିତ ଅତିଥି ଭାବେ ଯୋଗଦେଇ ଶ୍ରୀ ଦ୍ୱିବେଦୀଙ୍କୁ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମରେ ଦିଲ୍ଲୀପ ରାଉତରାୟ, ନିର୍ଦ୍ଦେଶକ, ସଂସ୍କୃତି ବିଭାଗ, ଓଡିଶା ସରକାର, ପଦ୍ମଶ୍ରୀ ସୁଦର୍ଶନ ଦାସ ପ୍ରମୁଖ ଉପସ୍ଥିତ ଥିଲେ । ଏହି ଖବର ପ୍ରକାଶିତ ହେବା ପରେ ଜେକେ କାଗଜ କଳର କର୍ମଚାରୀ ଗହଣରେ ଆନନ୍ଦର ଲହରି ଖେଳି ଯାଇଛି ।