ପାଟଣାଗଡ : ପାଟଣାଗଡ଼ ଥାନା ଯୋଗିମୁଣ୍ଡା ଗ୍ରାମର ଜଣେ ପରିବା ବେପାରଙ୍କୁ ଏକ ନକଲି ପିସ୍ତଲ ଦେଖାଇ ଦୁର୍ବୃତ୍ତ ମାନେ ତାଙ୍କ ବାଇକ ଲୁଟି ନେଇଥିବା ନେଇ ଗୋପ ପୁଟେଲ ପାଟଣାଗଡ ଥାନାରେ ଲିଖିତ ଅଭିଯୋଗ କରିଛନ୍ତି ।ତାଙ୍କ ଅଭିଯୋଗ ଅନୁସାରେ ପ୍ରତିଦିନ ଭଳି ଗୁରୁବାର ଭୋର ୪ଟାରୁ ଗୋପ କିଛି ପରିବା ନେଇ ପାଟଣାଗଡ଼ ସହରକୁ ଆସୁଥିଲେ । ବାଲିପଟା ଓ ବିଲାଇସାଥି ମଝିରେ ଥିବା ପୋଲ ନିକଟରେ ଦୁଇ ମୁଖାପିନ୍ଧା ଦୁର୍ବୃତ୍ତ ଗୋପଙ୍କୁ ଅଟକାଇ ଥିଲେ ।ଗୋପ ଅଟକିବା ପରେ ସେହି ଦୁଇ ଦୁର୍ବୃତ୍ତ ମାନେ ଠେଙ୍ଗାରେ ତାଙ୍କ ମୁଣ୍ଡକୁ ଅତର୍କିତ ଭାବେ ଆକ୍ରମଣ କରି ଲୁହଲୁହାଣ କରିଥିଲେ । ପରେ ଦୁର୍ବୃତ୍ତମାନେ ତାଙ୍କୁ ଏକ ପିସ୍ତଲ ଦେଖାଇ ତାଙ୍କ ଗ୍ଲାମର ବାଇକ୍ଟିକୁ ଲୁଟି ଫେରାର ମାରିଥିଲେ । ଏହା ପରେ ଗୋପ ନିଜ ଭାଇକୁ ଖବର ଦେବା ପରେ ଘଟଣାସ୍ଥଳରେ ଭାଇ ପହଞ୍ଚି ଗୋପକୁ ଉଦ୍ଧାର କରି ପାଟଣାଗଡ ଡାକ୍ତରଖାନାକୁ ଆଣି ଚିକିତ୍ସା କରାଇଥିଲେ । ଗୋପଙ୍କ ମୁଣ୍ଡରେ ଶକ୍ତ ଆହତ ଲାଗିଥିବା ବେଳେ ତାଙ୍କ ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରଛି । ପ୍ରାଥମିକ ତଦନ୍ତରୁ ତାହା ଏକ ନକଲି ପିସ୍ତଲ ବୋଲି ଥାନା ଅଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି ।