ଦଶପଲ୍ଲା: ଘୁଗୁଡିପଡା ପଞ୍ଚାୟତ ଘୁଗୁଡିପଡା ଗ୍ରାମର ଗୋବିନ୍ଦ ଚନ୍ଦ୍ର ମିଶ୍ର (୯୬) ଗତକାଲି ଅପରାହ୍ନ ୪ ୩୦ ମିନିଟ ସମୟେ ବୃତ୍ତଙ୍ଗ ନଦୀକୁ ଶୌଚ ହେବାକୁ ଯାଇ ନିଖୋଜ ହୋଇଛନ୍ତି । କୂଳରେ ବାଡ଼ି, ଚପଲ ଏବଂ ଗାମୁଛା ରହିଥିବା ବେଳେ ନଦୀର ପ୍ରଖର ତ୍ସୋତରେ ଅସାବଧାନତା ହେତୁ ଭାସି ଯାଇଥିବା କୁହାଯାଉଛି । ସ୍ଥାନୀୟ ଲୋକ ବହୁ ଖୋଜାଖୋଜି କରି କୌଣସି ପତ୍ତା ନ ପାଇବାରୁ ଦମକଳବାହିନୀକୁ ସୂଚନା ଦେଇଥିଲେ । ଦମକଳ କର୍ମଚାରୀ ପହଞ୍ଚି ଖୋଜାଖୋଜି କରିଥିଲେ ମଧ୍ୟ ସଂଧ୍ୟା ସୁଦ୍ଧା ବୃଦ୍ଧଙ୍କର କୌଣସି ପତ୍ତା ନ ମିଳିବାରୁ ଫେରି ଆସିଛନ୍ତି । ଆଜି ସକାଳ ୭ ଟା ସମୟରୁ ପୁଣି ଖୋଜାଖୋଜି ଚାଲିଥିଲେ ମଧ୍ୟ ଖବର ଲେଖାଯିବା ସୁଦ୍ଧା ବୃଦ୍ଧଙ୍କର କୌଣସିି ପତ୍ତା ମିଳିନାହିଁ ।