ବାଲିଗୁଡ଼ା: ବାଲିଗୁଡ଼ା ପୋଲିସକୁ ବଡ଼ ସଫଳତା । ଘଟଣାର ଚାରିଦିନ ମଧ୍ୟରେ ଡକାୟତି ଘଟଣାର ପର୍ଦ୍ଧାଫାସ କଲା ପୋଲିସ୍ । ଘଟଣାରେ ଡକାୟତି ଗ୍ୟାଙ୍ଗର ମାଷ୍ଟର ମାଇଣ୍ଡ୍ ଅଜୟ ଦିଗାଳକୁ ଗିରଫ କରିଛି ପୋଲିସ୍ । ଅଜୟ ନିକଟରୁ ଗୋଟିଏ କାର୍, ଦୁଇଟି ମୋବାଇଲ ଓ ନଗଦ ତିନି ହଜାର ଟଙ୍କା ଜବତ କରିଛି ପୋଲିସ୍ । ଘଟଣା ପ୍ରକାରେ ଗତ ୮ ତାରିଖରେ କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଗଦ୍ରଙ୍ଗିଆ ଘାଟିରେ ହୋଇଥିଲା ଡକାୟତି । ଟ୍ରକ୍ ଅଟକାଇ ମାରଣାସ୍ତ୍ର ଦେଖାଇ ଡ୍ରାଇଭର ଓ ଜଣେ ଶିକ୍ଷକଙ୍କୁ ମାଡ଼ ମାରି ଲୁଟି ନେଇଥିଲେ ୨୬ ହଜାରରୁ ଉର୍ଦ୍ଧ୍ୱ ଟଙ୍କା । ଅଭିଯୋଗ ପ୍ରକାରେ ଛାନଭିନ୍ ଆରମ୍ଭ କରିଥିଲା ବାଲିଗୁଡ଼ା ପୋଲିସ୍ । ଘଟଣାରେ ମାଷ୍ଟର ମାଇଣ୍ଡ୍ ଅଜୟ ଦିଗାଳକୁ ଗିରଫ କରିଥିବା ବେଳେ ଅନ୍ୟ ସହଯୋଗୀଙ୍କୁ ଖୋଜୁଛି ପୋଲିସ୍ । ଅଜୟ ନାମରେ ପୁର୍ବରୁ ମଧ୍ୟ ବାଲିଗୁଡ଼ା ଥାନାରେ ଅପରାଧିକ ମାମଲା ଥିବା ପୋଲିସ ପକ୍ଷରୁ ସୂଚନା ମିଳିଛି ।