ଘୁ ଉଦୟଗିରି: ସ୍ଥାନୀୟ ବ୍ଲକ ଅନ୍ତର୍ଗତ ଗ୍ରେଶିଙ୍ଗିଆ ପଞ୍ଚାୟତର ବିଲାବାଡ଼ା ଗ୍ରାମର ବାବୁଲ ପ୍ରଧାନ (୩୦) ଓ ଆଦିତ୍ୟ ପ୍ରଧାନ (୨୫) କିରାମାହା ନିକଟ ବାଉଡି ନାଜୁ ଠାରେ ପଲସର ୨୨୦ ବାଇକ୍ ନମ୍ୱର ଓଡି ୦୨ପି ୫୩୫୮ରେ କିରାମାହାକୁ ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ଯାଉଥିବା ସମୟରେ ବାଉଡୀନାଜୁ ନିକଟରେ କୌଣସି କାରଣ ପାଇଁ ଦୁର୍ଘଟଣାର ଶିକାର ହୋଇଛନ୍ତି । ଆହତ ଦୁଇଜଣଙ୍କୁ କୌଣସି ଏକ ଗାଡ଼ିରେ ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ଓ ତୁରନ୍ତ ଖବର ପାଇଁ ୧୧୨ ଗାଡ଼ିରେ ସ୍ଥାନୀୟ ପୋଲିସ ଘଟଣା ସ୍ଥଳକୁ ପହଞ୍ଚି ଘଟଣାର ଅନୁଧ୍ୟାନ କରିବା ସହିତ ଘୁଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପହଞ୍ଚି ଘଟଣାର ଅଧିକ ତଦନ୍ତ କରିଥିବା ସୂଚନା ରହିଛି । ତେବେ ଜଣଙ୍କର ଡାହାଣ ହାତ ଓ ଡାହାଣ ଗଡ ଭାଙ୍ଗିଥିବା ବେଳେ ଅନ୍ୟ ଜଣଙ୍କର ମଧ୍ୟ ଛାତିରେ ଆହତ ହୋଇଥିବା ସୂଚନା ରହିଛି । ସେମାନଙ୍କୁ ପ୍ରାଥମିକ ଚିକିତ୍ସା ପରେ ଫୁଲବାଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠେଇଥିବ ସୂଚନା ରହିଛି ।