ଫୁଲବାଣୀ : କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ଉପର ପାଙ୍ଗା ପଂଚାୟତର ଶିକାରୀ ଗ୍ରାମ ନିକଟ ଜଙ୍ଗଲରେ ଏକ କୁଡ଼ିଆ ଘର ଉପରେ ଚଢ଼ାଉ କରି ୮ କୁଇଣ୍ଟାଲ ୨୫ କେଜି ଗଂଜେଇ ଜବତ କରିଛି ଫିରିଙ୍ଗିଆ ପୋଲିସ । ଯାହା ସୂଚନା ରହିଛି ଏସପି ଶୁଭେନ୍ଦୁ କୁମାର ପାତ୍ରଙ୍କ ନିର୍ଦ୍ଦେଶକ୍ରମେ ଫିରିଙ୍ଗିଆ ଥାନା ଅଧିକାରୀ ତପନ କୁମାର ନାହାକଙ୍କ ନେତୃତ୍ୱରେ ଏକ ପୋଲିସ ଟିମ ଏହି ଚଢାଉରେ ସାମିଲ ହୋଇଥିଲା । ଏହି ଗଂଜେଇ ଚୋରା ଚାଲାଣ ପାଇଁ ପ୍ରସ୍ତୁତ ଚାଲିଥିବା ବେଳେ କୌଣସି ସୁତ୍ରରୁ ଖବର ପାଇ ପୋଲିସ ଟିମ ଚଢ଼ାଉ କରି ଥିଲେ । ତେବେ ପୋଲିସ ଟିମକୁ ଦେଖ ଅଭିଯୁକ୍ତ ମାନେ ଘଞ୍ଚ ଜଙ୍ଗଲ ଭିତରକୁ ଚାଲିଯାଇଥିଲେ ।
ଚଢାଉ ସ୍ଥଳରେ ୮ କୁଇଣ୍ଟାଲ ୨୫ କେଜି ଗଂଜେଇ ଜବତ କରିବା ସହ ଅଭିଯୁକ୍ତଙ୍କୁ ସନ୍ଧାନ କରିଥିଲେ କିନ୍ତୁ କାହାକୁ ହେଲେ ପାଇ ନଥିଲେ । ଏ ସଂକ୍ରାନ୍ତରେ ଫିରିଙ୍ଗିଆ ପୋଲିସ ୩୫/୨୩ ରେ ମାମଲା ରୁଜୁ କରି ଅଭିଯୁକ୍ତକୁ ଧରିବା ପାଇଁ ତଦନ୍ତ ଚାଲୁ ରହିଛି ବୋଲି ଥାନାଧିକାରୀ ନାହାକ ସୂଚନା ଦେଇଛନ୍ତି ।