ପୁରୀ:ପୁରୀରେ ପହଞ୍ଚିଲା ଚତୁର୍ଥ ପର୍ଯ୍ୟାୟ ରଥକାଠ । ମହାପ୍ରଭୁଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ପାଖେଇ ଆସୁଥିବା ବେଳେ ରଥ ନିର୍ମାଣ ପାଇଁ ବୌଦ୍ଧ ବନଖଣ୍ଡରୁ ଆସିଛି ରଥକାଠ । ଏକ ଟ୍ରକ ଯୋଗେ ୪୦ ଫୁଟିଆ ୨୮ଖଣ୍ଡ ଧଉରା କାଠ ପୁରୀର ପହଞ୍ଚିଛି । ତେବେ ଏହି ଧଉରା କାଠରେ ରଥ ଚକରେ ଲାଗିବାକୁ ଥିବା ଅଖ ନିର୍ମାଣ କରାଯିବ । ବୌଦ୍ଧ ବନଖଣ୍ଡ ୩୦୩ ଖଣ୍ଡ ରଥକାଠ ଯୋଗାଇବାକୁ ଥିବାବେଳେ ଆଜି ୨୮ଖଣ୍ଡ କାଠ ପହଞ୍ଚିଛି । ପର୍ଯ୍ୟାୟ କ୍ରମେ ଅବଶିଷ୍ଟ କାଠ ଆସି ପହଞ୍ଚିବ । ତେବେ ରଥ ନିର୍ମାଣ ପାଇଁ ସମୁଦାୟ ୮୬୫ ଖଣ୍ଡ କାଠର ଆବଶ୍ୟକତା ଥିବା ବେଳେ ଗତବର୍ଷ ୧୧୮ ଖଣ୍ଡ କାଠ ଶ୍ରୀମନ୍ଦିର ପ୍ରଶାସନ ପାଖରେ ବଳକା ଅଛି । ଏଥିସହ ରଥଖଳାକୁ ଆଜି ସୁଦ୍ଧା ୧୩୨ ଖଣ୍ଡ କାଠ ଆସି ପହଞ୍ଚିଥିବା ବେଳେ ଖପୁରିଆ କରତକଳକୁ ଚିରଟ ପାଇଁ ୮୧ ଖଣ୍ଡ କାଠ ଯାଇଛି ।